#AYODHYAVERDICT ಭಾರತ ಸೇರಿದಂತೆ ವಿಶ್ವಾದ್ಯಂತ ಟ್ವೀಟರ್ ನಲ್ಲಿ ಟಾಪ್ ಟ್ರೆಂಡಿಂಗ್

Team Udayavani, Nov 9, 2019, 3:52 PM IST

ನವದೆಹಲಿ:ದಶಕಗಳಷ್ಟು ಹಳೆಯದಾದ ರಾಜಕೀಯವಾಗಿ ಸೂಕ್ಷ್ಮವಾಗಿರುವ ಅಯೋಧ್ಯೆ ಭೂ ವಿವಾದ ಕುರಿತ ಅಂತಿಮ ತೀರ್ಪನ್ನು ಶನಿವಾರ ಸುಪ್ರೀಂಕೋರ್ಟ್ ಪ್ರಕಟಿಸಿದ ನಂತರ, ಇಂದು ಬೆಳಗ್ಗೆಯಿಂದಲೇ ಜಾಗತಿಕವಾಗಿ #Ayodhya Verdict ಮತ್ತು #RamMandir ಟ್ವೀಟರ್ ನಲ್ಲಿ ಟ್ರೆಂಡಿಂಗ್ ಆಗಿದೆ.

ಭಾರತ ಸೇರಿದಂತೆ ವಿಶ್ವಾದ್ಯಂತ ಅಯೋಧ್ಯೆ ತೀರ್ಪು ಟ್ರೆಂಡಿಂಗ್ ಆಗಿದ್ದು, ಮಧ್ಯಾಹ್ನ 2.03ರ ಹೊತ್ತಿಗೆ ತೀರ್ಪಿಗೆ ಸಂಬಂಧಿಸಿದಂತೆ ಜಗತ್ತಿನ ಹತ್ತು ವಿಷಯಗಳಲ್ಲಿ ಅಯೋಧ್ಯೆ ಐದು ವಿಷಯಗಳು ಟಾಪ್ ಟ್ರೆಂಡಿಂಗ್ ನಲ್ಲಿದ್ದಿರುವುದಾಗಿ ವರದಿ ತಿಳಿಸಿದೆ.

#AyodhyaVerdict ಹ್ಯಾಶ್ ಟ್ಯಾಗ್ ಭಾರತ ಮತ್ತು ಜಾಗತಿಕವಾಗಿ 5,50,000ಕ್ಕಿಂತಲೂ ಹೆಚ್ಚು ಟ್ವೀಟ್ ಆಗಿದೆ.

ಭಾರತದಲ್ಲಿ #BabriMasjid, #AyodhyaJudgement ಮತ್ತು #RamJanmabhoomi ಕೂಡಾ ಟಾಪ್ ಟ್ರೆಂಡಿಂಗ್ ನಲ್ಲಿದೆ. #RamMandir ಟ್ವೀಟರ್ ನಲ್ಲಿ ಅತೀ ಹೆಚ್ಚು (1,60,000) ಟ್ರೆಂಡಿಂಗ್ ಆಗಿದೆ. ಇನ್ನು ಸುಪ್ರೀಂಕೋರ್ಟ್ ಕೂಡಾ ಟ್ರೆಂಡಿಂಗ್ (200,000)ನಲ್ಲಿದೆ ಎಂದು ವರದಿ ತಿಳಿಸಿದೆ.

ಅಯೋಧ್ಯೆ ತೀರ್ಪು ಪ್ರಕಟವಾದ ನಂತರ ಟ್ವೀಟರ್ ನಲ್ಲಿ ಸಿಜೆಐ #RanjanGogoi ಹೆಸರು ಕೂಡಾ ಟ್ರೆಂಡಿಂಗ್ ನಲ್ಲಿದೆ. ಸುಪ್ರೀಂಕೋರ್ಟ್ ಸಿಜೆಐ ಗೋಗೊಯಿ ನವೆಂಬರ್ 17ರಂದು ನಿವೃತ್ತಿಯಾಗಲಿದ್ದಾರೆ.

#HinduMuslimBhaiBhai (ಹಿಂದೂ ಮುಸ್ಲಿಂ ಭಾಯಿ ಭಾಯಿ) ಕೂಡಾ ಟ್ವೀಟರ್ ನಲ್ಲಿ ಟ್ರೆಂಡ್ ಆಗಿದ್ದು, 33,000ಕ್ಕೂ ಅಧಿಕ ಟ್ವೀಟ್ ಮಾಡಲಾಗಿದೆ.

ಜಾಗತಿಕ ಐದು ಟ್ರೆಂಡಿಂಗ್ ನಲ್ಲಿ ನಾಲ್ಕು ಅಯೋಧ್ಯೆ ತೀರ್ಪಿಗೆ ಸಂಬಂಧ ವಿಷಯವಾಗಿರುವುದಾಗಿ ವರದಿ ವಿವರಿಸಿದೆ.