ಇಂದು ವಿಂಡೀಸ್‌-ಅಫ್ಘಾನ್‌ ಟೆಸ್ಟ್‌

Team Udayavani, Nov 27, 2019, 12:42 AM IST

ಲಕ್ನೋ: ವೆಸ್ಟ್‌ ಇಂಡೀಸ್‌ ಮತ್ತು ಅಫ್ಘಾನಿಸ್ಥಾನ ತಂಡಗಳ ನಡುವಿನ ಒಂದು ಪಂದ್ಯದ ಟೆಸ್ಟ್‌ ಸರಣಿ ಬುಧವಾರ ಲಕ್ನೋದಲ್ಲಿ ಆರಂಭವಾಗಲಿದೆ.

ಭಾರತ ವಿರುದ್ಧ ತವರಿನಲ್ಲಿ ಆಡಿದ ಎರಡು ಟೆಸ್ಟ್‌ ಸರಣಿಗಳಲ್ಲಿ ವೈಟ್‌ವಾಶ್‌ ಸೋಲಿನ ಅವಮಾನ ಎದುರಿಸಿದ ವಿಂಡೀಸ್‌ ಇದೀಗ ವಿಶ್ವ ಟೆಸ್ಟ್‌ ಚಾಂಪಿಯನ್‌ಶಿಪ್‌ನಲ್ಲಿ ಖಾತೆ ತೆರೆಯಲು ಎಲ್ಲ ಸಿದ್ಧತೆಗಳನ್ನು ನಡೆಸಿದೆ.

ಆದರೆ ಎದುರಾಳಿ ಅಫ್ಘಾನ್‌ ತಂಡವನ್ನು ಕಡೆಗಣಿ ಸುವಂತಿಲ್ಲ. ಯಾಕೆಂದರೆ ಟಿ20 ಸರಣಿಯನ್ನು 2-1 ಅಂತರದಿಂದ ಗೆದ್ದು ವಿಂಡೀಸ್‌ಗೆ ನೀರು ಕುಡಿಸಿದ್ದನ್ನು ಮರೆಯುವಂತಿಲ್ಲ.

ಅಫ್ಘಾನ್‌ಗೆ ಹೆಚ್ಚಿನ ಅವಕಾಶ
ಅಫ್ಘಾನಿಸ್ಥಾನ ಹೆಚ್ಚಾಗಿ ಹೊಸ ಆಟಗಾರ ರನ್ನೇ ನೆಚ್ಚಿಕೊಂಡಿದೆ. ಟಿ20 ಸರಣಿಯನ್ನು ಗೆದ್ದ ಖುಷಿ ಯಲ್ಲಿರುವ ಅಫ್ಘಾನ್‌ನ ಯುವ ಆಟಗಾರರು ಟೆಸ್ಟ್‌ ಪಂದ್ಯದಲ್ಲಿಯೂ ಮೇಲುಗೈ ಸಾಧಿಸಲು ಎದುರು ನೋಡುತ್ತಿ ದ್ದಾರೆ. ನಾಯಕ ರಶೀದ್‌ ಖಾನ್‌ ಅವರ ಘಾತಕ ಸ್ಪಿನ್‌ ದಾಳಿ ಮತ್ತು ಅಸ್ಗರ್‌ ಅಫ್ಗನ್‌, ರಹಮತ್‌ ಶಾ ಅವರ ಬ್ಯಾಟಿಂಗ್‌ ಬಲ ಅಫ್ಘಾನ್‌ಗೆ ಹೆಚ್ಚಿನ ಬಲ ಎನ್ನಲಡ್ಡಿಯಿಲ್ಲ.

ವಿಂಡೀಸ್‌ಗೆ ಸಂಕಷ್ಟ
ಒಂದು ಕಾಲದಲ್ಲಿ ಬಲಿಷ್ಠ ತಂಡವಾಗಿ ಗುರುತಿಸಿಕೊಂಡಿದ್ದ ವೆಸ್ಟ್‌ ಇಂಡೀಸ್‌ ಇಂದು ತನಗಿಂತ ಕಡಿಮೆ ಅನುಭವ ಹೊಂದಿರುವ ತಂಡದೊಂದಿಗೆ ಸರಣಿ ಸೋಲಿನ ಮೂಲಕ ತನ್ನ ಕ್ರಿಕೆಟ್‌ ಅಸ್ತಿತ್ವವನ್ನೇ ಕಳೆದುಕೊಳ್ಳುವತ್ತ ಸಾಗುತ್ತಿದೆ.

ತಂಡದಲ್ಲಿ ಸ್ಟಾರ್‌ ಆಟಗಾರರ ದೊಡ್ಡ ಬಳಗವೇ ಇದ್ದರೂ ಯಾರೊಬ್ಬರೂ ಪಂದ್ಯವನ್ನು ಗೆಲ್ಲಬೇಕೆನ್ನುವ ರೀತಿಯಲ್ಲಿ ಆಡುತ್ತಿಲ್ಲ. ಎಲ್ಲ ಮಾದರಿಯ ಕ್ರಿಕೆಟ್‌ನಲ್ಲೂ ತಂಡದ ನಿರ್ವಹಣೆ ಕಳಪೆ ಮಟ್ಟದಲ್ಲಿದೆ. ಇನ್ನಾದರೂ ಸೋಲಿಗೆ ಕಾರಣವೇನು ಎನ್ನುವುದನ್ನು ಅರಿತು ಆಡಿದರೆ ವಿಂಡೀಸ್‌ ಗೆಲುವಿಗೆ ಪ್ರಯತ್ನಿಸಬಹುದು.