ಟಾಮ್‌ ಲ್ಯಾಥಂ ಅಜೇಯ ಶತಕ

Team Udayavani, Nov 29, 2019, 11:52 PM IST

ಹ್ಯಾಮಿಲ್ಟನ್‌: ನ್ಯೂಜಿಲ್ಯಾಂಡ್‌ ಮತ್ತು ಪ್ರವಾಸಿ ಇಂಗ್ಲೆಂಡ್‌ ನಡುವಿನ ದ್ವಿತೀಯ ಟೆಸ್ಟ್‌ ಪಂದ್ಯಕ್ಕೆ ಮಳೆಯಿಂದ ಅಡಚಣೆಯಾಗಿದ್ದು, ಕೇವಲ 54.3 ಓವರ್‌ಗಳ ಆಟವಷ್ಟೇ ಸಾಧ್ಯವಾಗಿದೆ.

ಮೊದಲು ಬ್ಯಾಟಿಂಗ್‌ ನಡೆಸಿದ ಕಿವೀಸ್‌, ಆರಂಭಕಾರ ಟಾಮ್‌ ಲ್ಯಾಥಂ ಅವರ ಅಜೇಯ ಶತಕ ಸಾಹಸದಿಂದ 3 ವಿಕೆಟಿಗೆ 173 ರನ್‌ ಗಳಿಸಿದೆ.

ಟೀ ವಿರಾಮದ ಬಳಿಕ 3 ಎಸೆತ ಹಾಕುವಷ್ಟರಲ್ಲಿ ಮಳೆ ಸುರಿಯ ಲಾರಂಭಿಸಿದ್ದರಿಂದ ದಿನದಾಟ ಇಲ್ಲಿಗೇ ಕೊನೆಗೊಂಡಿತು. ಆಗ ಲ್ಯಾಥಂ 101 ಮತ್ತು ಹೆನ್ರಿ ನಿಕೋಲ್ಸ್‌ 5 ರನ್‌ ಮಾಡಿ ಆಡುತ್ತಿದ್ದರು. ಲ್ಯಾಥಂ 164 ಎಸೆತ ಎದುರಿಸಿದ್ದು, 15 ಬೌಂಡರಿ ಹೊಡೆದಿದ್ದಾರೆ. ಇದು ಅವರ 11ನೇ ಶತಕ.ಕಿವೀಸ್‌ 39 ರನ್‌ ಆಗುವಷ್ಟರಲ್ಲಿ ಜೀತ್‌ ರಾವಲ್‌ (5), ಕೇನ್‌ ವಿಲಿಯಮ್ಸನ್‌ (4) ವಿಕೆಟ್‌ ಕಳೆದುಕೊಂಡು ಒತ್ತಡಕ್ಕೆ ಸಿಲುಕಿತು. ಆಗ ಬ್ರಾಡ್‌-ವೋಕ್ಸ್‌ ಜೋಡಿ ಅಪಾಯ ಕಾರಿಯಾಗಿ ಗೋಚರಿಸಿದ್ದರು.