ರಾಜ್ಯದಲ್ಲೂ ಮಹಾ ಮುಖಭಂಗ

Team Udayavani, Nov 30, 2019, 2:57 PM IST

ರಾಣಿಬೆನ್ನೂರು: ಬಿಜೆಪಿಗೆ ಮಹಾರಾಷ್ಟ್ರಕ್ಕಿಂತ ದೊಡ್ಡ ಮುಖಭಂಗ ಕರ್ನಾಟಕದಲ್ಲಾಗುತ್ತದೆ. ಉಪಚುನಾವಣೆ ಬಳಿಕ ಬಿಜೆಪಿ ತನ್ನ ಬಹುಮತ ಕಳಕೊಳ್ಳುತ್ತದೆ ಎಂದು ಕೆಪಿಸಿಸಿ ಅಧ್ಯಕ್ಷ ದಿನೇಶ ಗುಂಡೂರಾವ್‌ ಹೇಳಿದರು.

ಪಟ್ಟಣದ ಕೋಳಿವಾಡ ಅವರ ಮನೆಯಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಉಪಚುನಾವಣೆ ಬಳಿಕ ಸರ್ಕಾರ ಅಲ್ಪಮತಕ್ಕೆ ಬರಲಿದ್ದು, ಯಾವುದೇ ಕಾರಣಕ್ಕೂ ಉಳಿಯಲ್ಲ. ಕಳೆದ ಎರಡು ತಿಂಗಳಿಂದ ವಿಧಾನಸೌಧಕ್ಕೆ ಯಾವ ಮಂತ್ರಿಗಳೂ ಹೋಗಿಲ್ಲ. ಅಲ್ಲಿ ಸೂತಕದ ಛಾಯೆ ಆವರಿಸಿದೆ. ಬಿಜೆಪಿ ಸಂಖ್ಯಾಬಲ ಈಗ 105 ಇದೆ. ಚುನಾವಣೆ ಬಳಿಕ ಅಬ್ಬಬ್ಟಾ ಅಂದರೆ ಎರಡು ಸ್ಥಾನ ಏರಿ ಸರ್ಕಾರ ಬಿದ್ದು ಹೋಗುವುದು ಖಚಿತ ಎಂದರು.

ಅನರ್ಹ ಶಾಸಕ ಆರ್‌. ಶಂಕರ್‌ ಕನಸು ಭಗ್ನ ಮಾಡಿದ್ದು ಬಿಜೆಪಿ. ಆರ್‌.ಶಂಕರ್‌ಗೆ ಕೈ ಕೊಟ್ಟಿದೆ. ಎಷ್ಟು ಜನಕ್ಕೆ ಮಂತ್ರಿ ಹಾಗೂ ಉಪಮುಖ್ಯಮಂತ್ರಿಮಾಡುತ್ತೋ ಗೊತ್ತಿಲ್ಲ. ಎಲ್ಲರಿಗೂ ಮಂತ್ರಿ ಸ್ಥಾನ ಕೊಡುತ್ತೇನೆ ಎನ್ನುತ್ತ ಹೊರಟಿದೆ. ಪ್ರಜಾಪ್ರಭುತ್ವಆಶೋತ್ತರಗಳಿಗೆ ವಿರುದ್ಧವಾಗಿ ನಡೆಯುತ್ತಿರುವಚುನಾವಣೆ ಇದು. ಸಂವಿಧಾನ ಬಾಹಿರವಾಗಿ ಈ ಸರ್ಕಾರ ರಚನೆಯಾಗಿದೆ. ನಾಲ್ಕು ತಿಂಗಳನಿಂದ ಬಿಜೆಪಿಗರು ರಾಜ್ಯವನ್ನು ಲೂಟಿ ಮಾಡಿದ್ದಾರೆ. ಎರಡನೇ ಬಾರಿಗೆ ನಾವು “ಆಪರೇಷನ್‌ ಕಮಲ’ ಮಾಡುತ್ತೇವೆ ಎನ್ನುತ್ತಿದ್ದಾರೆ. ಇದರಿಂದ ಬಿಜೆಪಿಯವರು ಯಾವ ಮಟ್ಟಕ್ಕೆ ಇಳಿದಿದ್ದಾರೆ ಎಂಬುದು ಗೊತ್ತಾಗುತ್ತದೆ. ಒಂದು ಪರ್ಸೆಂಟ್‌ ಜ್ಞಾನ ಇದ್ದಿದ್ದರೆ ಅವರು ಈ ಥರ ಹೇಳುತ್ತಿರಲಿಲ್ಲ ಎಂದರು.