ವಿಷ್ಣುಪ್ರಿಯನಿಗೆ ಭರ್ಜರಿ ಸಾಹಸ

Team Udayavani, Dec 1, 2019, 10:43 AM IST

ಕೆ.ಮಂಜು ನಿರ್ಮಾಣದ “ವಿಷ್ಣುಪ್ರಿಯ’ ಚಿತ್ರದ ಚಿತ್ರೀಕರಣ ಭರದಿಂದ ಸ ಸಾಗುತ್ತಿದ್ದು, ಕಳೆದ ಹತ್ತು ದಿನಗಳಿಂದಲೂ ಕಿಚ್ಚಿಯ ಸುತ್ತಮುತ್ತಲ ಸುಂದರ ತಾಣಗಳಲ್ಲಿ ಅದ್ಧೂರಿಯಾಗಿ ಹಾಡುಗಳ ಮತ್ತು ಸಾಹಸ ದೃಶ್ಯಗಳ ಚಿತ್ರೀಕರಣ ನಡೆದಿದೆ. ಚಿತ್ರದಲ್ಲಿ ಕೆ.ಮಂಜು ಅವರ ಪುತ್ರ ಶ್ರೇಯಸ್‌ ಹೀರೋ ಆಗಿದ್ದು, ಅವರಿಗೆ ಕಣ್ಸನ್ನೆ ಬೆಡಗಿ ಪ್ರಿಯಾ ವಾರಿಯರ್‌ನಾಯಕಿಯಾಗಿ ನಟಿಸಿದ್ದಾರೆ.

ಈಗಾಗಲೇ ಬಹುತೇಕ ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ, ಇತ್ತೀಚೆಗೆ ಕೊಚ್ಚಿಯ ಆದ್ರಪಳ್ಳಿ ಫಾಲ್ಸ್‌ನಲ್ಲಿ ಹಾಡುಗಳ ಚಿತ್ರೀಕರಣ ನಡೆಸಿದೆ.ನಾಯಕ, ನಾಯಕಿ ಕಾಂಬಿನೇಷನ್‌ ನಲ್ಲಿ ಮೂಡಿಬಂದಿರುವಮಾಂಟೇಜಸ್‌ ಹಾಡನ್ನು ಫಾಲ್ಸ್‌ ಸುತ್ತಮುತ್ತ ಚಿತ್ರೀಕರಿಸಲಾಗಿದೆ. ಇನ್ನು, ಮಹಾಗಣಿ ಫಾರೆಸ್ಟ್‌ನಲ್ಲೂ ಭರ್ಜರಿ ಫೈಟ್ಸ್‌ ಸೀನ್‌ ಚಿತ್ರೀಕರಿಸಿರುವುದು

ವಿಶೇಷ. ಈ ಮಹಾಗಣಿ ಫಾರೆಸ್ಟ್‌ನ ವಿಶೇಷವೆಂದರೆ, ತಮಿಳಿನ “ಪುಲಿಮುರುಗನ್‌’ ಚಿತ್ರದ ಚಿತ್ರೀಕರಣ ಸಹ ಆ ಕಾಡಿನಲ್ಲೇ ನಡೆದಿದೆ. ದಟ್ಟವಾದ ಕಾಡಲ್ಲಿ ಸುಮಾರು 50 ಕ್ಕೂ ಹೆಚ್ಚು ಫೈಟರ್ಹಾಗು ಜೂನಿಯರ್ ಕಾಂಬಿನೇಷನ್‌ನಲ್ಲಿ ಆ ಅದ್ಧೂರಿ ಫೈಟ್‌ ಮಾಡಲಾಗಿದೆ. ವಿಕ್ರಮ್‌ ಮಾಸ್ಟರ್‌ ಆ ಸ್ಪೆಷಲ್‌ ಫೈಟ್‌ ಸಂಯೋಜಿಸಿದ್ದಾರೆ. ಇನ್ನು, ಈ ಚಿತ್ರವನ್ನು ವಿ.ಕೆ.ಪ್ರಕಾಶ್‌ ನಿರ್ದೇಶನ ಮಾಡುತ್ತಿದ್ದು, ಚಿತ್ರದ ಚಿತ್ರೀಕರಣ ಸದ್ಯಕ್ಕೆ ಕೊನೆಯ ಹಂತಕ್ಕೆ ಬಂದು ತಲುಪಿದೆ. ನಾಯಕ ಶ್ರೇಯಸ್‌ ಅವರಿಗೆ ಇದು ಎರಡನೇ ಸಿನಿಮಾ. “ಪಡ್ಡೆ ಹುಲಿ’ ಮೂಲಕ ಚಿತ್ರರಂಗಕ್ಕೆ ಎಂಟ್ರಿಯಾದ ಶ್ರೇಯಸ್‌, ಆ ಚಿತ್ರದ ಮೂಲಕ ಒಂದಷ್ಟು ಭರವಸೆ ಮೂಡಿಸಿದ್ದರು. ಈಗ “ವಿಷ್ಣುಪ್ರಿಯ’ ಸಿನಿಮಾ ಕೂಡ ಒಂದಷ್ಟು ಕುತೂಹಲ ಮೂಡಿಸಿದೆ. ಈಗಾಗಲೇ ಚಿತ್ರೀಕರಣ ಬಹುತೇಕ ಮುಗಿಯುವ ಹಂತ ತಲುಪಿದೆ. ನಾಯಕಿ ಪ್ರಿಯಾ ವಾರಿಯರ್‌ ಅವರಿಗೂ ಇದು ಕನ್ನಡದಲ್ಲಿ ಎರಡನೇ ಸಿನಿಮಾ.