ನವಜಾತ ಹೆಣ್ಣು ಮಗುವಿನ ಶವ ಫ್ಲ್ಯಾಟ್ ನಲ್ಲಿ ಪತ್ತೆ

Team Udayavani, Dec 1, 2019, 1:43 PM IST

ಲೂಧಿಯಾನ: ಖಾಲಿ ಫ್ಲ್ಯಾಟ್ ಒಂದರಲ್ಲಿ ನವಜಾತ ಶಿಶುವಿನ ಮೃತದೇಹ ಪತ್ತೆಯಾಗಿದೆ. ಪಂಜಾಬ್ ನ ಲೂಧಿಯಾನದಲ್ಲಿ ಈ ಘಟನೆ ನಡೆದಿದ್ದು ಸ್ಥಳೀಯರು ನೀಡಿದ ಮಾಹಿತಿಯ ಮೇರೆಗೆ ಪೊಲೀಸರು ಪರಿಸೀಲನೆ ನಡೆಸಿದ್ದಾರೆ. ಈ ಫ್ಲ್ಯಾಟ್ ಮಾಲಿಕರು ಬೇರೆ ಕಡೆ ವಾಸಿಸುತ್ತಿದ್ದು, ಕೆಲಸದ ವ್ಯಕ್ತಿ ಇದನ್ನು ನೋಡಿಕೊಳ್ಳುತ್ತಿದ ಎಂದು ತಿಳಿದುಬಂದಿದೆ.

ಸಬ್ ಇನ್ ಸ್ಪೆಕ್ಷರ್ ಹರ್ಭಜನ್ ಸಿಂಗ್ ಸುದ್ದಿ ಸಂಸ್ಥೆಗೆ ನೀಡಿರುವ ಮಾಹಿತಿಯಂತೆ, ಇದು ಒಂದರಿಂದ ಎರಡು ದಿನದ ಒಳಗಿನ ಶಿಶುವಿನ ಮೃತದೇಹವಾಗಿದೆ.

ಮಗು ಒಂದು ಈ ಮೃತದೇಹವನ್ನು ಮೊದಲಿಗೆ ನೋಡಿ ತನ್ನ ತಾಯಿಗೆ ತಿಳಿಸಿತ್ತು. ತಕ್ಷಣವೇ ಆ ಮಹಿಳೆ ಪೊಲೀಸರಿಗೆ ಕರೆ ಮಾಡಿ ವಿಷಯ ತಿಳಿಸಿದ್ದಾರೆ. ನವಜಾತ ಶಿಶುವಿನ ದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ ಹಾಗೂ ಈ ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.