ಇನ್‌ಸ್ಟಾಗ್ರಾಂನಲ್ಲಿ ವಯಸ್ಸು ಕಡ್ಡಾಯ! 13 ವರ್ಷ ಮೇಲ್ಪಟ್ಟವರಿಗೆ ಮಾತ್ರ ಖಾತೆ

Team Udayavani, Dec 5, 2019, 8:48 PM IST

ನವದೆಹಲಿ: ಜನಪ್ರಿಯ ಸಾಮಾಜಿಕ ಜಾಲತಾಣವಾದ ಇನ್‌ಸ್ಟಾಗ್ರಾಂ, ತನ್ನಲ್ಲಿ ಹೊಸದಾಗಿ ನೋಂದಾಯಿಸಲ್ಪಡುವ ಗ್ರಾಹಕರಿಗೆ ವಯಸ್ಸನ್ನು ನಮೂದಿಸುವುದನ್ನು ಕಡ್ಡಾಯಗೊಳಿಸಿದೆ. ಎಳೆಯ ವಯಸ್ಸಿನವರನ್ನು ಆನ್‌ಲೈನ್‌ ಪ್ರಪಂಚಕ್ಕೆ ಬಾರದಂತೆ ತಡೆಯಲು ಈ ಹೊಸ ಹೆಜ್ಜೆ ಇರಿಸಲಾಗಿದೆ.

ಕಂಪನಿಯ ಈ ಹೊಸ ನಿಯಮದಿಂದಾಗಿ, 13 ವರ್ಷಕ್ಕೂ ಮೇಲ್ಪಟ್ಟವರಿಗೆ ಮಾತ್ರ ಇನ್‌ಸ್ಟಾಗ್ರಾಂನಲ್ಲಿ ಖಾತೆ ತೆರೆಯಬಹುದಾಗಿದೆ. ಅಂದಹಾಗೆ, ವಯಸ್ಸನ್ನು ಕಡ್ಡಾಯವಾಗಿ ನಮೂದಿಸುವ ನಿಯಮ ತನ್ನಲ್ಲಿ ಈಗಾಗಲೇ ಖಾತೆಗಳನ್ನು ಹೊಂದಿರುವವರಿಗೆ ಅನ್ವಯಿಸುವುದಿಲ್ಲ ಎಂದು ಕಂಪನಿ ಹೇಳಿಕೊಂಡಿದೆ. ಇನ್‌ಸ್ಟಾಗ್ರಾಂನ ಮಾತೃಸಂಸ್ಥೆಯಾದ ಫೇಸ್‌ಬುಕ್‌, ಬಹು ಹಿಂದೆಯೇ ತನ್ನ ಗ್ರಾಹಕರಿಗೆ ವಯಸ್ಸು ನಮೂದಿಸುವುದನ್ನು ಕಡ್ಡಾಯವಾಗಿಸಿತ್ತು.