ಪಾಕಿಸ್ಥಾನ ಅಂಡರ್ 19 ವಿಶ್ವಕಪ್  ತಂಡಕ್ಕೆ ಅಯ್ಕೆಯಾದ ವೇಗಿ ನಸೀಂ ಶಾ

Team Udayavani, Dec 6, 2019, 4:35 PM IST

ಲಾಹೋರ್: ಪಾಕಿಸ್ಥಾನದ ಯುವ ಬೌಲರ್, ಇತ್ತೀಚೆಗಷ್ಟೇ ಆಸ್ಟ್ರೇಲಿಯಾ ವಿರುದ್ಧ ಟೆಸ್ಟ್ ಸರಣಿ ಆಡಿದ ನಸೀಂ ಶಾ ಅಂಡರ್ 19 ವಿಶ್ವಕಪ್ ಗೆ ಆಯ್ಕೆಯಾಗಿದ್ದಾರೆ.

ಮುಂದಿನ ತಿಂಗಳಿನಲ್ಲಿ ನಡೆಯಲಿರುವ ವಿಶ್ವಕಪ್ ಗೆ ಪಾಕಿಸ್ಥಾನ 15 ಜನರ ತಂಡವನ್ನು ಪ್ರಕಟಿಸಿದ್ದು, ಅದರಲ್ಲಿ ವೇಗಿ ನಸೀಂ ಶಾ ಸ್ಥಾನ ಪಡೆದಿದ್ದಾರೆ.

ಕಳೆದ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಪಾಕಿಸ್ಥಾನ ತಂಡದ ಪರವಾಗಿ ಆಡಿದ್ದ 16 ವರ್ಷದ ವೇಗಿ ನಸೀಂ ಶಾ ಮೊದಲ ಪಂದ್ಯದಲ್ಲಿ ಡೇವಿಡ್ ವಾರ್ನರ್ ವಿಕೆಟ್ ಪಡೆದು ಮಿಂಚಿದ್ದರು.

ವಿಕೆಟ್ ಕೀಪರ್ ಬ್ಯಾಟ್ಸಮನ್ ರೊಹಾಲಿ ನಝಿರ್ ಪಾಕಿಸ್ಥಾನ ತಂಡವನ್ನು ಮುನ್ನಡೆಸಲಿದ್ದು, ಆರಂಭಿಕ ಆಟಗಾರ ಹೈದರ್ ಆಲಿ ಉಪನಾಯಕನಾಗಿ ಆಯ್ಕೆಯಾಗಿದ್ದಾರೆ.

ದಕ್ಷಿಣ ಆಫ್ರಿಕಾದಲ್ಲಿ  ಜನವರಿ 17ರಿಂದ ಫೆಬ್ರವರಿ 9ರವರೆಗೆ  ಕಿರಿಯರ ವಿಶ್ವಕಪ್ ನಡೆಯಲಿದೆ.