ಪಂಜಾಬ್ ನಲ್ಲಿ ಕಾಣಿಸಿಕೊಂಡ ಲಾಲ್ ಸಿಂಗ್ ಛಡ್ಡಾ ಯಾರು ಗೊತ್ತೇ?

Team Udayavani, Dec 8, 2019, 8:25 PM IST

ನೈಟ್ ಪ್ಯಾಂಟ್, ಮಾಸಲು ಬಣ್ಣದ ಟೀ ಶರ್ಟ್, ತಲೆಗೊಂದು ಕ್ಯಾಪ್, ತಲೆತುಂಬಾ ಎಣ್ಣೆ ಕಾಣದ ಕೂದಲು ಮುಖ ತುಂಬಾ ಸಾಧು ಗಡ್ಡ, ಕಾಲಲ್ಲಿ ಸ್ಪೋರ್ಟ್ಸ್ ಶೂ… ಈ ರೀತಿಯಾಗಿ ಕಾಣಿಸಿಕೊಂಡ ಆ ವ್ಯಕ್ತಿಯ ಫೊಟೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಫುಲ್ ಸೌಂಡ್ ಮಾಡುತ್ತಿದೆ.

ಇದು ಬಾಲಿವುಡ್ ನ ಮಿಸ್ಟರ್ ಪರ್ಫೆಕ್ಟ್ ಆಮೀರ್ ಖಾನ್ ಅವರು ನಟಿಸುತ್ತಿರುವ ಹೊಸ ಚಿತ್ರ ‘ಲಾಲ್ ಸಿಂಗ್ ಛಡ್ಡಾ’ದಲ್ಲಿ ಅವರ ಪಾತ್ರದ ಒಂದು ಔಟ್ ಲುಕ್. 1994ರಲ್ಲಿ ತೆರೆಕಂಡ ಹಾಲಿವುಡ್ ನ ಹೆಸರಾಂತ ಚಿತ್ರ ‘ಫಾರೆಸ್ಟ್ ಗಂಪ್’ನಿಂದ ಸ್ಪೂರ್ತಿ ಪಡೆದು ನಿರ್ಮಾಣಗೊಳ್ಳುತ್ತಿರುವ ಈ ಚಿತ್ರದಲ್ಲಿ ಆಮಿರ್ ಖಾನ್ ಅವರು ವಿಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ‘ಫಾರೆಸ್ಟ್ ಗಂಪ್’ ಹಲವು ವಿಭಾಗಗಳಲ್ಲಿ ಆಸ್ಕರ್ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿತ್ತು.

ಅದ್ವೈತ್ ಚಂದನ್ ನಿರ್ದೇಶಿಸುತ್ತಿರುವ ಈ ಚಿತ್ರದಲ್ಲಿ ಆಮೀರ್ ಅವರಿಗೆ ನಾಯಕಿಯಾಗಿ ಕರೀನಾ ಕಪೂರ್ ನಟಿಸುತ್ತಿದ್ದು ಇದೀಗ ಈ ಚಿತ್ರದ ಚಿತ್ರೀಕರಣ ಪಂಜಾಬ್ ರಾಜ್ಯದ ವಿವಿಧ ಕಡೆಗಳಲ್ಲಿ ನಡೆಯುತ್ತಿದೆ.

ಈ ಮೊದಲು ಆಮಿರ್ ಖಾನ್ ಅವರು ಪಗಡಿಯಲ್ಲಿದ್ದ ಫೊಟೋ ಒಂದು ಚಿತ್ರೀಕರಣ ಸ್ಥಳದಿಂದ ಹೊರಬಿದ್ದಿತ್ತು. ಇದೀಗ ಆಮೀರ್ ಅವರು ಪಕ್ಕಾ ಪರದೇಸಿ ಲುಕ್ ನಲ್ಲಿ ಕಾಣಿಸಿಕೊಂಡಿರುವುದು ಅಭಿಮಾನಿಗಳ ಕುತೂಹಲಕ್ಕೆ ಕಾರಣವಾಗಿದೆ.

ಚಂಢೀಗಢದಲ್ಲಿ ಕೆಲವು ದಿನಗಳ ಶೂಟಿಂಗ್ ಬಳಿಕ ಇದೀಗ ರೂಪ್ ನಗರದಲ್ಲಿ ಈ ಚಿತ್ರದ ಚಿತ್ರೀಕರಣ ಸಾಗಿದೆ. ಇಲ್ಲಿನ ರೂಪ್ ನಗರ್ – ನೂರ್ ಪುರ್ ಬೇಢಿ ರಸ್ತೆಯಲ್ಲಿರುವ ಗರ್ ಭಾಗಾ ಗ್ರಾಮದಲ್ಲಿ ಸಟ್ಲೇಜ್ ನದೀ ಪಾತ್ರದಲ್ಲಿ ಈ ಚಿತ್ರದ ಶೂಟಿಂಗ್ ನಡೆಯುತ್ತಿದೆ.

ಈ ಚಿತ್ರದಲ್ಲಿ ಯುವ ಛಡ್ಡಾ ಪಾತ್ರನಿರ್ವಹಣೆಗಾಗಿ ಆಮಿರ್ ಖಾನ್ ಅವರು ಸುಮಾರು 20 ಕಿಲೋ ದೇಹ ತೂಕವನ್ನು ಇಳಿಸಿಕೊಂಡಿದ್ದಾರೆ. ವಯಾಕಾಮ್ 18 ಮೋಷನ್ ಪಿಕ್ಚರ್ಸ್ ನಿರ್ಮಾಣದಲ್ಲಿ ಮೂಡಿಬರುತ್ತಿರುವ ಬಾಲಿವುಡ್ ನ ಬಹುನಿರೀಕ್ಷಿತ ಈ ಚಿತ್ರ 2020ರ ಕ್ರಿಸ್ಮಸ್ ವೇಳೆಗೆ ತೆರೆ ಕಾಣಲಿದೆ.

View this post on Instagram

LEAKED: Picture Of #AamirKhan From #LaalSinghChaddha ? FOLLOW ? @filmycook INQUIRIES ? @being_akhtar * * * * * * * * * * * * * * * * * #aamirkhan #amirkhan #amirkhanfan #bollywoodmovie #Bollywood #movie #rheakapoor #everydayphenomenal⠀ #janhvikapoor #bollywoodstyle #filmycook #bollywoodfashion #bollywoodactress #akashambani #akashloka #urvashirautela #ambani #mukeshambani #soundaryasharma #sonamkapoor #bachchans #ShahRukhKhan #punjab #Amritsar #aishwaryaraibachchan #bollywoodmovies #deepikapadukone #salmankhan

A post shared by F I L M Y C O O K (@filmycook) on Dec 7, 2019 at 2:18am PST