ವೀರ ಯೋಧರ ಕಥೆ ಹೇಳಲಿದ್ದಾರಾ ಮಹೇಂದ್ರ ಸಿಂಗ್ ಧೋನಿ?

Team Udayavani, Dec 11, 2019, 3:19 PM IST

ರಾಂಚಿ (ಜಾರ್ಖಂಡ್‌): ಭಾರತೀಯ ಅರೆ ಸೇನಾ ಪಡೆಯಲ್ಲಿ ಲೆಫ್ಟಿನೆಂಟ್ ಕರ್ನಲ್‌ ಹುದ್ದೆ ಹೊಂದಿರುವ ಮಹೇಂದ್ರ ಸಿಂಗ್ ಧೋನಿ ಮತ್ತೂಂದು ಸಾಹಸಕ್ಕೆ ಕೈಹಾಕಿದ್ದಾರೆ.

ಕೆಲ ತಿಂಗಳ ಹಿಂದೆ ಕಾಶ್ಮೀರದಲ್ಲಿ ಸೇನಾ ತರಬೇತಿ ಪಡೆದು ಸುದ್ದಿಯಾಗಿದ್ದ ಅವರು, ಇನ್ನು ಟೀವಿಯಲ್ಲಿ ನಿರೂಪಕನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಇಲ್ಲಿ ಅವರು ಏನು ಮಾಡುತ್ತಾರೆ ಎಂಬ ಕುತೂಹಲವೇ?

ಮೂಲವೊಂದರ ಪ್ರಕಾರ ಭಾರತೀಯ ಸೇನಾ ಯೋಧರ, ಅಧಿಕಾರಿಗಳ ಕಥೆ ಹೇಳಲಿದ್ದಾರೆ. ಖ್ಯಾತ ನಿರ್ಮಾಣ ಸಂಸ್ಥೆಯೊಂದರೊಂದಿಗೆ ಧೋನಿ ಒಪ್ಪಂದ ಮಾಡಿಕೊಂಡಿದ್ದಾರೆ.

ಅದರನ್ವಯ ಮಹೇಂದ್ರ ಸಿಂಗ್ ಧೋನಿ ಟೀವಿಯಲ್ಲಿ ಸರಣಿ ಸರಣಿಯಾಗಿ ಕಥೆ ಹೇಳಲಿದ್ದಾರೆ. ಯಾವ ಟೀವಿ ಎನ್ನುವುದು ಇನ್ನಷ್ಟೇ ಗೊತ್ತಾಗಬೇಕು. ಉತ್ತರ ಸಿಗದ ಪ್ರಶ್ನೆಯೆಂದರೆ, ಅವರು ಯಾವಾಗ ಕ್ರಿಕೆಟ್‌ಗೆ ಮರಳಲಿದ್ದಾರೆ ಎನ್ನುವುದು.