ಹುಬ್ಬಳ್ಳಿಯಿಂದ ಶಿರಡಿಗೆ ವಿಮಾನಯಾನ: ಮನವಿ

Team Udayavani, Dec 12, 2019, 11:50 AM IST

ಹುಬ್ಬಳ್ಳಿ: ಹುಬ್ಬಳ್ಳಿಯಿಂದ ಕಿಶನ್‌ಗಡ ಹಾಗೂ ಶಿರಡಿಗೆ ವಿಮಾನಯಾನ ಸೇವೆ ಆರಂಭಿಸಬೇಕೆಂದು ಕೋರಿ ಆಲ್‌ ಇಂಡಿಯಾ ಜೈನ್‌ ಯುತ್‌ ಫೆಡರೇಶನ್‌ ವತಿಯಿಂದ ಸಂಸದೀಯ ವ್ಯವಹಾರಗಳ ಸಚಿವ ಪ್ರಹ್ಲಾದ ಜೋಶಿ ಅವರಿಗೆ ಮನವಿ ಸಲ್ಲಿಸಲಾಯಿತು.

ಕಿಶನ್‌ಗಡಕ್ಕೆ ವಿಮಾನ ಸೇವೆ ಒದಗಿಸಿದರೆ ಪುಷ್ಕರ್‌ ಹಾಗೂ ಅಜ್ಮೇರ್ ಗೆ ತೆರಳುವ ಯಾತ್ರಾರ್ಥಿಗಳಿಗಾಗಿ ಅನುಕೂಲತೆ ಕಲ್ಪಿಸಲು ಇದರಿಂದ ಅನುಕೂಲವಾಗುತ್ತದೆ. ಇಲ್ಲಿಂದ ಖ್ವಾಜಾ ಮೊಯಿನುದ್ದಿನ್‌ ಚಿಸ್ತಿ ದರ್ಗಾಕ್ಕೆ, ಗುರುಗೋವಿಂದ ಸಿಂಗ್‌ಜಿ ಗುರುದ್ವಾರಕ್ಕೆ ತೆರಳಲು ಕೂಡ ಅನುಕೂಲವಾಗುತ್ತದೆ. ಪ್ರಸ್ತುತ ಕಿಶನ್‌ಗಡಕ್ಕೆ ತೆರಳಲು 2-3 ದಿನ ರೈಲಿನಲ್ಲಿ ಪ್ರಯಾಣಿಸುವುದು ಅನಿವಾರ್ಯವಾಗಿದೆ. ಹಿರಿಯ ನಾಗರಿಕರ ಅನುಕೂಲತೆಗಾಗಿ ವಿಮಾನ ಸೇವೆ ಆರಂಭಿಸುವುದು ಅಗತ್ಯವಾಗಿದೆ. ಉತ್ತರ ಕರ್ನಾಟಕದಿಂದ ಸಾಕಷ್ಟು ಜನರು ಶಿರಡಿ ಸಾಯಿಬಾಬಾ ಮಂದಿರಕ್ಕೆ ಯಾತ್ರೆಗೆ ಹೋಗುತ್ತಾರೆ. ಹಿರಿಯ ನಾಗರಿಕರ ಅನುಕೂಲತೆಗಾಗಿ ಬೆಂಗಳೂರು– ಹುಬ್ಬಳ್ಳಿ–ಶಿರಡಿಗೆ ವಿಮಾನ ಸೇವೆ ಆರಂಭಿಸಬೇಕು ಎಂದು ಕೋರಿದರು. ಫೆಡರೇಶನ್‌ ಅಧ್ಯಕ್ಷ ಮಹೇಂದ್ರ ಸಿಂಘಿ, ಪಾರಸಮಲ್‌ಜಿ ಭನ್ಸಾಲಿ, ಮಹೇಂದ್ರ ಪಾಲ್ಗೊತಾ, ಅಮ್ರವ್‌ ಬೈದ್‌, ರಮೇಶ ಚೋಪ್ರಾ ಇದ್ದರು.