ಸ್ಟೀಲ್ ಪಾತ್ರೆಯೊಳಗೆ ಸಿಕ್ಕಿಹಾಕಿಕೊಂಡ 3 ವರ್ಷದ ಮಗುವಿನ ತಲೆ…ಮುಂದೇನಾಯ್ತು

Team Udayavani, Dec 12, 2019, 12:01 PM IST

ಜಾಲೋರ್(ರಾಜಸ್ಥಾನ): ಮೂರು ವರ್ಷದ ಪುಟ್ಟ ಮಗುವಿನ ತಲೆ ಸ್ಟೀಲ್ ಪಾತ್ರೆಯೊಳಗೆ ಸಿಲುಕಿಕೊಂಡಿದ್ದು, ಕೊನೆಗೂ ಗ್ರಾಮಸ್ಥರ ನೆರವಿನೊಂದಿಗೆ ಪಾತ್ರೆಯನ್ನು ಕತ್ತರಿಸಿ ಮಗುವನ್ನು ರಕ್ಷಿಸಿರುವ ಘಟನೆ ರಾಜಸ್ಥಾನದಲ್ಲಿ ನಡೆದಿದೆ.

ಆಟವಾಡುತ್ತಿದ್ದ ಮಗು ಸ್ಟೀಲ್ ಪಾತ್ರೆಯನ್ನು ತಲೆಯೊಳಗೆ ತೂರಿಸಿಕೊಂಡಿತ್ತು. ಆದರೆ ಪಾತ್ರೆ ಹೊರತೆಗೆಯಲಾಗದೆ ಮಗು ಅಳುತ್ತಿರುವುದನ್ನು ಕಂಡ ತಾಯಿ ನೆರವಿಗಾಗಿ ಸ್ಥಳೀಯರಲ್ಲಿ ವಿನಂತಿಸಿಕೊಂಡಿರುವುದಾಗಿ ವರದಿ ತಿಳಿಸಿದೆ.

ನಂತರ ಸ್ಥಳೀಯರು ಪಾತ್ರೆಯನ್ನು ಜಾಗರೂಕತೆಯಿಂದ ಕತ್ತರಿಸುವ ಮೂಲಕ ಮಗುವಿನ ಪ್ರಾಣ ಉಳಿಸಿದ್ದಾರೆ. ಸುಮಾರು ಅರ್ಧ ಗಂಟೆಗೂ ಹೆಚ್ಚು ಸಮಯದ ನಂತರ ಪಾತ್ರೆಯನ್ನು ಕತ್ತರಿಸಲಾಯ್ತು. ಇದು ತುಂಬಾ ಕಠಿಣವಾದ ಕೆಲಸವಾಗಿತ್ತು. ಆದರೆ ಕೊನೆಗೂ ಮಗು ಸುರಕ್ಷಿತವಾಗಿದೆ ಎಂದು ಸ್ಥಳೀಯರೊಬ್ಬರು ತಿಳಿಸಿರುವುದಾಗಿ ವರದಿ ವಿವರಿಸಿದೆ.