ಡಿ. 20ಕ್ಕೆ ಮೂಲ ಮಠಕ್ಕೆ ಬರುವೆ ಎಂದಿದ್ದ ಶ್ರೀಗಳು

Team Udayavani, Dec 30, 2019, 6:13 AM IST

ಸುರತ್ಕಲ್‌: ಸುರತ್ಕಲ್‌ ಸಮೀಪದ ಪೇಜಾವರ ಮೊಗ್ರುಗುಡ್ಡೆಯಲ್ಲಿರುವ ಪೇಜಾವರ ಮೂಲಮಠಕ್ಕೆ ಡಿ. 8ರಂದು ಭೇಟಿ ನೀಡಿದ್ದು, ಶ್ರೀಕೃಷ್ಣ ಮತ್ತು ಪಟ್ಟದ ದೇವರ ಪೂಜೆ ನೆರವೇರಿಸಿದ್ದರು. ಅಂದು ಅಲ್ಲಿಯೇ ಉಳಿದುಕೊಂಡು ಮರುದಿನ ಡಿ. 9ರಂದು ಹೊರಡುವಾಗ ಡಿ. 21ರಂದು ಮತ್ತೆ ಬರುವೆ ಎಂದು ಅರ್ಚಕರಲ್ಲಿ ಹೇಳಿ ಮರಳಿದ್ದ ಸ್ವಾಮೀಜಿ ಇದೀಗ ಕಾಲವಾಗಿದ್ದಾರೆ.

ಮಂಗಳೂರು ಸಹಿತ ಸುತ್ತಮುತ್ತ ಕಾರ್ಯಕ್ರಮ ಗಳಾದಾಗ ಸಮಯಾವಕಾಶವಿದ್ದಲ್ಲಿ ಸ್ವಾಮೀಜಿ ಮೂಲಮಠಕ್ಕೆ ಭೇಟಿ ನೀಡುತ್ತಿದ್ದರು. ಮೇ 5ರಂದು ಮಠದಲ್ಲಿ ಪವಮಾನ ಹೋಮ, ಅಭಿಷೇಕ, ದೈವಗಳಿಗೆ ಶುದ್ಧ ಕಲಶ ಇತ್ಯಾದಿ ನೆರವೇರಿಸಿ ಧರ್ಮ ನೇಮದಲ್ಲಿ ಪಾಲ್ಗೊಂಡಿದ್ದರು.

ಪಾಠ ಶಾಲೆಯ ಕನಸು
ಮೂಲಮಠದಲ್ಲಿ ಧಾರ್ಮಿಕ ಶಿಕ್ಷಣಕ್ಕಾಗಿ ಪಾಠಶಾಲೆ ತೆರೆಯುವ ಕನಸು ಹೊಂದಿದ್ದರು. ಶ್ರೀನಿವಾಸ ಸಮೂಹದಿಂದ ಇತ್ತೀಚೆಗೆ ಶ್ರೀಗಳಿಗೆ ಗೌರವ ಡಾಕ್ಟರೇಟ್‌ ಪದವಿ ನೀಡಿ ಗೌರವಿಸಲಾಗಿತ್ತು.