ಹೊಸ ವ್ಯವಸ್ಥೆಗೆ ಕಂಪೆನಿಗಳ ಸಿದ್ಧತೆ

Team Udayavani, Jan 1, 2020, 2:10 AM IST

ಸಾಂದರ್ಭಿಕ ಚಿತ್ರ

ಮುಂಬಯಿ: ಇನ್ನೇನು 3 ತಿಂಗಳಲ್ಲಿ ಹೊಸ ರೀತಿಯ ಪರಿಸರ ಮಾಲಿನ್ಯ ನಿಯಂತ್ರಕ ವ್ಯವಸ್ಥೆ ಇರುವ ಭಾರತ್‌ ಸ್ಟೇಜ್‌-6 (ಬಿಎಸ್‌-6) ನಿಯಮಗಳು ಜಾರಿಗೆ ಬರಲಿವೆ. ಹೀಗಾಗಿ, ಹೋಂಡಾ ಕಾರ್ಸ್‌ ಇಂಡಿಯಾ, ಟೊಯೋಟಾ ಕಿರ್ಲೊಸ್ಕರ್‌ ಮತ್ತು ರೆನೋ ಇಂಡಿಯಾ ಜ. 31ರ ಒಳಗಾಗಿ ಬಿಎಸ್‌-4 ಮಾಲಿನ್ಯ ನಿಯಂತ್ರಕ ವ್ಯವಸ್ಥೆ ಇರುವ ವಾಹನ ಗಳ ಉತ್ಪಾದನೆ ನಿಲ್ಲಿಸಲು ಮುಂದಾಗಿವೆ. ಮಹೀಂದ್ರಾ ಆ್ಯಂಡ್‌ ಮಹೀಂದ್ರಾ, ಟಾಟಾ ಮೋಟರ್ಸ್‌ ಕೂಡ ಬಿಎಸ್‌-4 ವಾಹನಗಳ ಉತ್ಪಾದನೆ ಸ್ಥಗಿತಗೊಳಿಸಿ ಬಿಎಸ್‌-6 ಮಾದರಿ ವಾಹನ ಉತ್ಪಾದನೆಯತ್ತ ಮುಂದಾಗಿವೆ. ಮಾರುತಿ ಸುಜುಕಿ ಮತ್ತು ಹ್ಯುಂಡೈ ಮೋಟರ್ಸ್‌ ಇಂಡಿಯಾ ಈಗಾಗಲೇ ಬಿಎಸ್‌-6 ಎಂಜಿನ್‌ಗಳನ್ನು ಕೆಲ ಹೊಸ ಕಾರುಗಳಲ್ಲಿ ಅಳವಡಿಸಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿವೆ. ಮಾರುತಿ ವತಿಯಿಂದ ಈಗಾಗಲೇ ಎಂಟು ಮಾದರಿ ವಾಹನಗಳಲ್ಲಿ ಹೊಸ ವ್ಯವಸ್ಥೆ ಅಳವಡಿಕೆಯಾಗಿದೆ.

ಡಿಸೆಂಬರ್‌-ಜನವರಿ ಅವಧಿಗೆ ಟೊಯೋ ಟಾದಲ್ಲಿ ಶೇ.30-40, ಹೋಂಡಾದಲ್ಲಿ ಶೇ.30- 50, ಮಹೀಂದ್ರಾದಲ್ಲಿ ಶೇ.30, ಟಾಟಾ ಮೋಟ  ರ್ಸ್‌ನಲ್ಲಿ ಶೇ.20ರಷ್ಟು ಪ್ರಯಾ ಣಿಕ ವಾಹನಗಳ ಉತ್ಪಾದನೆಗಳನ್ನು ಕಡಿಮೆ ಮಾಡಲು ನಿರ್ಧ ರಿಸಿವೆ. ಟೊಯೋಟಾ ವಕ್ತಾ ರರು ನೀಡಿದ ಮಾಹಿತಿ ಪ್ರಕಾರ ಮುಂದಿನ ದಿನ ಗಳಲ್ಲಿ ಸಂಸ್ಥೆ ಬಿಎಸ್‌-6 ವ್ಯವಸ್ಥೆ ಹೊಂದಿ ರುವ ಕಾರುಗಳನ್ನು ಉತ್ಪಾದಿಸಲಿದೆ. ಹೊಸ ವ್ಯವಸ್ಥೆ ಜಾರಿಗೆ ಬರು ವುದರಿಂದ ವಾಹನಗಳ ದರದಲ್ಲಿ ಶೇ.15- ಶೇ. 20ರಷ್ಟು ಏರಿಕೆಯಾಗ ಲಿದೆ ಎಂಬ ಅಂಶ ವನ್ನೂ ಗ್ರಾಹಕರು ಅರಿತು ಕೊಂಡಿದ್ದಾರೆ ಎಂದು ಅವರು ಹೇಳಿದ್ದಾರೆ. ಜನವರಿ ಅಂತ್ಯಕ್ಕೆ ಹೋಂಡಾ ಕಾರ್ಸ್‌ನ ಮೊದಲ ಬಿಎಸ್‌-4 ಎಂಜಿನ್‌ ಇರುವ ಕಾರಿನ ಉತ್ಪಾದನೆಯನ್ನು ನಿಲ್ಲಿಸಲಾಗು ತ್ತದೆ ಎಂದು ಮಾರುಕಟ್ಟೆ ವಿಭಾ ಗದ ನಿರ್ದೇಶಕ ರಾಜೇಶ್‌ ಗೋಯಲ್‌ ತಿಳಿಸಿದ್ದಾರೆ.