ಗಣರಾಜ್ಯಕ್ಕೆ ಬ್ರೆಜಿಲ್‌ ಅಧ್ಯಕ್ಷ ಜೈರ್‌ ಬೋಲ್ಸೊ ನಾರೋ ಅತಿಥಿ

Team Udayavani, Jan 22, 2020, 8:04 AM IST

ಹೊಸದಿಲ್ಲಿ: ಪ್ರಸಕ್ತ ಸಾಲಿನ ಗಣರಾಜ್ಯ ದಿನದ ಮುಖ್ಯ ಅತಿಥಿಯಾಗಿ ಬ್ರೆಜಿಲ್‌ ಅಧ್ಯಕ್ಷ ಜೈರ್‌ ಬೋಲ್ಸೊ ನಾರೋ ಆಗಮಿಸಲಿದ್ದಾರೆ. ಇದು ಅವರ ಮೊದಲ ಭಾರತ ಪ್ರವಾಸವಾಗಲಿದೆ. 1996, 2004ರ ಗಣರಾಜ್ಯ ದಿನಕ್ಕೆ ಬ್ರೆಜಿಲ್‌ನ ಆಗಿನ ಅಧ್ಯಕ್ಷರು ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದರು.

ಜೈರ್‌ ಬೋಲ್ಸೊನಾರೋ ತಮ್ಮ ಪ್ರವಾಸವನ್ನು ಜ. 24ರಂದು ಆರಂಭಿಸಲಿದ್ದಾರೆ. ಅವರ ಜತೆಗೆ ಏಳು ಸಚಿವರು, ಬ್ರೆಜಿಲ್‌ ಸಂಸತ್‌ನಲ್ಲಿ ಬ್ರೆಜಿಲ್‌-ಭಾರತ ಸ್ನೇಹ ಕೂಟದ ಅಧ್ಯಕ್ಷ, ಹಿರಿಯ ಅಧಿಕಾರಿಗಳು, ವಿವಿಧ ಕ್ಷೇತ್ರಗಳ ಉದ್ದಿಮೆದಾರರು ಆಗಮಿಸಲಿದ್ದಾರೆ. ಜ. 25ರಂದು ರಾಷ್ಟ್ರಪತಿ ರಾಮನಾಥ್‌ ಕೋವಿಂದ್‌ ಜತೆಗೆ ಬೋಲ್ಸೊನಾರೋ ಭೇಟಿಯಾಗಿ ಮಾತುಕತೆ ನಡೆಸಲಿದ್ದಾರೆ.

ಉಪರಾಷ್ಟ್ರಪತಿ ವೆಂಕಯ್ಯ ನಾಯ್ಡು, ಪ್ರಧಾನಿ ಮೋದಿ, ವಿದೇಶಾಂಗ ಸಚಿವ ಎಸ್‌. ಜೈಶಂಕರ್‌ ಜತೆಗೂ ಮಾತುಕತೆ ನಡೆಸಲಿದ್ದಾರೆ. 27ರಂದು ಭಾರತ ಮತ್ತು ಬ್ರೆಜಿಲ್‌ ಉದ್ದಿಮೆ ಕ್ಷೇತ್ರದ ಪ್ರಮುಖರನ್ನು ಉದ್ದೇಶಿಸಿ ಅಧ್ಯಕ್ಷರು ಮಾತ ನಾಡಲಿದ್ದಾರೆ. 2006ರಿಂದ ಈಚೆಗೆ ಎರಡೂ ರಾಷ್ಟ್ರಗಳ ನಡುವಿನ ಬಾಂಧವ್ಯ ವೃದ್ಧಿಸಿದೆ.