ಬಾಲ್ಯದಲ್ಲಿ ನಾನು ಲೈಂಗಿಕ ದೌರ್ಜನ್ಯಕ್ಕೊಳಗಾಗಿದ್ದೆ: ಅರ್ಜುನ್ ರೆಡ್ಡಿ ಚಿತ್ರದ ನಟನ ಅಳಲು

Team Udayavani, Jan 22, 2020, 10:56 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Use

ಹೈದ್ರಾಬಾದ್: ತೆಲುಗಿನ ಸೂಪರ್ ಹಿಟ್ ಚಲನಚಿತ್ರ ಅರ್ಜುನ್ ರೆಡ್ಡಿಯಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ನಟ ರಾಹುಲ್ ರಾಮಕೃಷ್ಣ ಅವರು ಬಾಲ್ಯದಲ್ಲಿ ತನ್ನ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಲಾಗಿತ್ತು ಎಂಬ ಕರಾಳ ಸತ್ಯವನ್ನು ಬಹಿರಂಗಪಡಿಸಿದ್ದಾರೆ.

ಜನವರಿ 20ರಂದು ಸರಣಿ ಟ್ವೀಟ್ ಗಳನ್ನು ಮಾಡುವ ಮೂಲಕ ಈ ಸೂಪರ್ ಸ್ಟಾರ್ ತೆಲುಗು ನಟ ಬಾಲ್ಯದಲ್ಲಿ ತನ್ನ ಮೇಲಾಗಿದ್ದ ಲೈಂಗಿಕ ದೌರ್ಜನ್ಯದ ಕುರಿತಾಗಿ ಎಳೆ ಎಳೆಯಾಗಿ ಮಾಹಿತಿ ನೀಡಿದ್ದಾರೆ.

ರಾಹುಲ್ ರಾಮಕೃಷ್ಣ ಅವರು ತನ್ನ ಕುರಿತಾದ ಈ ಶಾಕಿಂಗ್ ಸುದ್ದಿಯನ್ನು ಬಹಿರಂಗಪಡಿಸುತ್ತಿದ್ದಂತೆ ಸಾಕಷ್ಟು ಜನ ಅಭಿಮಾನಿಗಳು ಹಾಗೂ ಹಿತೈಷಿಗಳು ಅವರಿಗೆ ಬೆಂಬಲವಾಗಿ ನಿಲ್ಲುವ ಮಾತುಗಳನ್ನಾಡಿದ್ದಾರೆ.

I was raped during childhood.
I don’t know what else to say about my grief, except for this, because this is what I seek to know about myself.

— Rahul Ramakrishna (@eyrahul) January 20, 2020

‘ಎಳವೆಯಲ್ಲಿ ನಾನು ಅತ್ಯಾಚಾರಕ್ಕೊಳಗಾಗಿದ್ದೆ, ಇಷ್ಟರ ಹೊರತಾಗಿ ನಾನು ಅನುಭವಿಸಿದ ದುಃಖದ ಕುರಿತಾಗಿ ಏನು ಹೇಳಬೇಕೆಂದೇ ತಿಳಿಯುತ್ತಿಲ್ಲ, ಇದಿಷ್ಟು ನನ್ನ ಕುರಿತಾಗಿ ನಾನು ತಿಳಿದುಕೊಂಡಿರುವ ವಿಚಾರ, ಇದೆಲ್ಲ ಬಹಳಷ್ಟು ನೋವು ಕೊಡುತ್ತದೆ’ ಎಂದು ನಟ ರಾಹುಲ್ ರಾಮಕೃಷ್ಣ ಅವರು ತಮ್ಮ ಟ್ವೀಟ್ ನಲ್ಲಿ ಬರೆದುಕೊಂಡಿದ್ದಾರೆ.

ಆದರೆ ಬಾಲ್ಯದಲ್ಲಿ ತನ್ನ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿರುವ ವ್ಯಕ್ತಿಯ ಹೆಸರನ್ನು ಅವರು ಬಹಿರಂಗಪಡಿಸಿಲ್ಲ. ‘ಇಂತಹ ಘಟನೆಗಳಿಗೆ ಯಾವತ್ತೂ ನ್ಯಾಯ ಸಿಗುವುದಿಲ್ಲ, ಸಿಕ್ಕಿದರೂ ಕ್ಷಣಿಕವಾದ ನೆಮ್ಮದಿ ಸಿಗಬಹುದಷ್ಟೇ’ ಎಂದೂ ಅವರು ಹೇಳಿಕೊಂಡಿದ್ದಾರೆ.

ತೆಲುಗು ನಟ ರಾಹುಲ್ ರಾಮಕೃಷ್ಣ ಅವರು ‘ಅರ್ಜುನ್ ರೆಡ್ಡಿ’ ಚಿತ್ರದಲ್ಲಿ ನಾಯಕ ವಿಜಯ್ ದೇವರಕೊಂಡ ಅವರ ಗೆಳೆಯನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಅರ್ಜುನ್ ರೆಡ್ಡಿ ಚಿತ್ರದ ಭರ್ಜರಿ ಯಶಸ್ಸು ರಾಹುಲ್ ಅವರಿಗೂ ಚಿತ್ರರಂಗದಲ್ಲಿ ಅದೃಷ್ಟದ ಬಾಗಿಲನ್ನು ತೆರೆದುಕೊಟ್ಟಿತ್ತು.

I live with the crime perpetrated upon me. There is never justice. Only momentary relief.
Teach your men to be nice.
Be brave and break societal conditioning. Be nice.

— Rahul Ramakrishna (@eyrahul) January 20, 2020