ಮಾ.29ರಿಂದ ಹುಬ್ಬಳ್ಳಿ- ಮುಂಬೈ ಇಂಡಿಗೋ ವಿಮಾನಯಾನ

Team Udayavani, Jan 25, 2020, 3:02 AM IST

ಹುಬ್ಬಳ್ಳಿ: ಇಂಡಿಗೋ ವಿಮಾನ ಸಂಸ್ಥೆಯು ಮಾ.29ರಿಂದ ಹುಬ್ಬಳ್ಳಿ-ಮುಂಬೈ-ಹುಬ್ಬಳ್ಳಿ ನಡುವೆ ಪ್ರತಿದಿನ ಮತ್ತೂಂದು ವಿಮಾನಯಾನ ಸೇವೆ ಆರಂಭಿಸಲಿದೆ ಎಂದು ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ ತಿಳಿಸಿದ್ದಾರೆ. 180 ಆಸನಗಳ ಏರ್‌ಬಸ್‌ ಇಂಡಿಗೋ ವಿಮಾನವು ಪ್ರತಿದಿನ ಬೆಳಗ್ಗೆ 11:25ಕ್ಕೆ ಹುಬ್ಬಳ್ಳಿಯಿಂದ ಹೊರಟು ಮಧ್ಯಾಹ್ನ 12:50ಕ್ಕೆ ಮುಂಬೈ ತಲುಪಲಿದೆ. ಮರಳಿ 1:30ಕ್ಕೆ ಮುಂಬೈಯಿಂದ ಹೊರಟು 2:55ಕ್ಕೆ ಹುಬ್ಬಳ್ಳಿಗೆ ಆಗಮಿಸಲಿದೆ. ಈಗಾಗಲೇ ಇಂಡಿಗೋ ಸಂಸ್ಥೆ ಪ್ರಯಾಣಿಕರ ಟಿಕೆಟ್‌ ಬುಕ್ಕಿಂಗ್‌ ಆರಂಭಿಸಿದೆ.

ಏರ್‌ಇಂಡಿಯಾ ಸಂಸ್ಥೆ ಯ ಬೆಂಗಳೂರು-ಹುಬ್ಬಳ್ಳಿ-ಮುಂಬೈ ದಿನನಿತ್ಯದ ವಿಮಾನ ಸೌಲಭ್ಯ ಸೇರಿ ಹುಬ್ಬಳ್ಳಿ-ಧಾರವಾಡ ಜನರಿಗೆ ಮುಂಬೈಗೆ ಮತ್ತೂಂದು ವಿಮಾನ ಸೌಲಭ್ಯ ದೊರೆಯುತ್ತಿರುವುದು ಸಂತಸಕರ ಸಂಗತಿ. ಕಳೆದ ಹಲವಾರು ದಿನಗಳಿಂದ ಈ ಸಂಸ್ಥೆಯೊಂದಿಗಿನ ನಿರಂತರ ಸಂಪರ್ಕಕ್ಕೆ ಸೂಕ್ತ ಸ್ಪಂದನೆ ದೊರೆತಿದೆ. ಈ ಭಾಗದ ಸರ್ವತೋ ಮುಖ ಅಭಿವೃದ್ಧಿಗೆ ಹೆಚ್ಚಿನ ಚಾಲನೆಯೂ ದೊರಕಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.