ಪಾನ್‌ ಕೊಡದಿದ್ದರೆ ಶೇ.20 ತೆರಿಗೆ ಕಡಿತ

Team Udayavani, Jan 25, 2020, 8:30 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Use

ಹೊಸದಿಲ್ಲಿ: ವಿವಿಧ ಕಂಪೆನಿಗಳಲ್ಲಿ ಕೆಲಸ ಮಾಡುತ್ತಿರುವವರು ಪಾನ್‌, ಆಧಾರ್‌ ವಿವರಗಳನ್ನು ಉದ್ಯೋಗದಾತರಿಗೆ ನೀಡದೇ ಇದ್ದರೆ ಸಂಬಳದಿಂದ ಶೇ.20 ತೆರಿಗೆ ಕಡಿತ ಮಾಡಬಹುದು. ಕೇಂದ್ರ ನೇರ ತೆರಿಗೆಗಳ ಮಂಡಳಿ (ಸಿಬಿಡಿಟಿ) ಇತ್ತೀಚೆಗೆ ಹೊರಡಿಸಿದ ಸುತ್ತೋಲೆಯಲ್ಲಿ ಈ ಅಂಶ ಪ್ರಸ್ತಾವಿಸಿದೆ. ಆದರೆ ಈ ನಿಯಮ ವಾರ್ಷಿಕವಾಗಿ ವೇತನ 2.5 ಲಕ್ಷ ರೂ.ಗಳಿಗಿಂತ ಹೆಚ್ಚು ಇದ್ದವರಿಗೆ ಅನ್ವಯವಾಗಲಿದೆ.

ವೇತನದಾರರಿಂದ ಸರಿಯಾಗಿ ತೆರಿಗೆ ಪಾವತಿಯಾಗುತ್ತಿದೆಯೋ ಇಲ್ಲವೋ ಎನ್ನುವುದನ್ನು ಗಮನಿಸಲು ಈ ನಿಯಮ ಜಾರಿಗೊಳಿಸಲಾಗಿದೆ. ಏಕೆಂದರೆ ಸಂಗ್ರಹವಾಗುವ ನೇರ ತೆರಿಗೆಯ ಪ್ರಮಾಣದಲ್ಲಿ ಸಂಬಳದಾರರ ಕೊಡುಗೆಯೇ ಶೇ.37ರಷ್ಟಿದೆ. ಆದಾಯ ತೆರಿಗೆ ಇಲಾಖೆಯ ನಿಯಮ ಪ್ರಕಾರ ಉದ್ಯೋಗ ನೀಡಿದ ವ್ಯಕ್ತಿ ಅಥವಾ ಸಂಸ್ಥೆ ಕಾಯ್ದೆಯಲ್ಲಿ ಉಲ್ಲೇಖೀಸಿರುವ ಪ್ರಮಾಣದಲ್ಲಿ ಉದ್ಯೋಗಿಯಿಂದ ತೆರಿಗೆ ಸಂಗ್ರಹಿಸಬೇಕು.