ದೀರ್ಘ‌ಕಾಲಿಕ ಗ್ಯಾಸ್‌ ಪೂರೈಕೆ : ಬೆಲೆ ಇಳಿಕೆಗೆ ಕತಾರ್‌ ನಕಾರ

Team Udayavani, Jan 28, 2020, 12:49 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Use

ಹೊಸದಿಲ್ಲಿ: ಹಾಲಿ ಇರುವ ದೀರ್ಘ‌ಕಾಲಿಕ ಗ್ಯಾಸ್‌ ಪೂರೈಕೆ ಒಪ್ಪಂದಗಳಡಿ ಎಲ್‌ಎನ್‌ಜಿ ದರ ಇಳಿಸುವಂತೆ ಭಾರತ ಮಾಡಿದ ಮನವಿಯನ್ನು ನಯವಾಗಿ ತಿರಸ್ಕರಿಸಿರುವ ಕತಾರ್‌ ಆಡಳಿತ, ವಿಶ್ವಾಸಾರ್ಹತೆ ಉಳಿಸಿಕೊಂಡು ಹೋಗುವ ನಿಟ್ಟಿನಲ್ಲಿ ಒಪ್ಪಂದಗಳ ಪಾವಿತ್ರ್ಯತೆ ಕಾಪಾಡಿಕೊಳ್ಳುವುದು ಅತಿ ಮುಖ್ಯ ಎಂದಿದೆ.

ಭಾರತಕ್ಕೆ ಅತಿ ಹೆಚ್ಚು ಗ್ಯಾಸ್‌ ಪೂರೈಕೆ ಮಾಡುವ ಕತಾರ್‌ ಜತೆಗಿನ ಒಪ್ಪಂದಗಳಡಿ ಭಾರತ ವಾರ್ಷಿಕ 8.5 ದಶಲಕ್ಷ ಟನ್‌ ದ್ರವರೂಪದ ನೈಸರ್ಗಿಕ ಅನಿಲ (ಎಲ್‌ಎನ್‌ಜಿ) ಆಮದು ಮಾಡಿಕೊಳ್ಳುತ್ತಿದೆ. ಪ್ರಸ್ತುತ ಒಂದು ಮಿಲಿಯನ್‌ ಬ್ರಿಟಿಷ್‌ ಥರ್ಮಲ್‌ ಯುನಿಟ್‌ಗೆ ಭಾರತ, 9-10 ಡಾಲರ್‌ ಪಾವತಿಸುತ್ತಿದೆ. ಆದರೆ, ಸ್ಪಾಟ್‌ ಮಾರುಕಟ್ಟೆ ಯಲ್ಲಿ ಇಷ್ಟೇ ಪ್ರಮಾಣದ ಅನಿಲ ಕೇವಲ 5-6 ಡಾಲರ್‌ಗೆ ಸಿಗುತ್ತಿದೆ. ಹೀಗಾಗಿ ದರ ಕಡಿಮೆ ಮಾಡುವಂತೆ ಭಾರತ ವಿನಂತಿಸಿತ್ತು.