ಮ್ಯಾನ್‌ ವರ್ಸಸ್‌ ವೈಲ್ಡ್‌: ಬಂಡೀಪುರದಲ್ಲಿ ನಾಳೆ ಅಕ್ಷಯ್‌ ಕುಮಾರ್‌ ಶೂಟಿಂಗ್‌

Team Udayavani, Jan 29, 2020, 10:06 PM IST

ಮೈಸೂರು/ಗುಂಡ್ಲುಪೇಟೆ: ಬಂಡೀಪುರ ರಾಷ್ಟ್ರೀಯ ಉದ್ಯಾನವನದಲ್ಲಿ ಗುರುವಾರ ಬಾಲಿವುಡ್‌ ನಟ ಅಕ್ಷಯ್‌ಕುಮಾರ್‌ ಅವರೊಂದಿಗೆ ಮ್ಯಾನ್‌ ವರ್ಸಸ್‌ ವೈಲ್ಡ್‌ ಸಾಕ್ಷ್ಯಚಿತ್ರದ ನಿರ್ದೇಶಕ ಬೇರ್‌ ಗ್ರಿಲ್ಸ್‌ ಚಿತ್ರೀಕರಣ ಮಾಡಲಿದ್ದಾರೆ.

ಡಿಸ್ಕವರಿ ಚಾನಲ್‌ನ ಪ್ರಸಿದ್ದ ಮ್ಯಾನ್‌ ವರ್ಸಸ್‌ ವೈಲ್ಡ್‌ ಕಾರ್ಯಕ್ರಮಕ್ಕಾಗಿ ಗುರುವಾರ ನಟ ಅಕ್ಷಯ್‌ಕುಮಾರ್‌ ಅವರೊಂದಿಗೆ ಬೆಳಗ್ಗೆ 10ರಿಂದ ಸಂಜೆ 6ರವರೆಗೆ ಚಿತ್ರೀಕರಣ ನಡೆಸಲಾಗುವುದು. ಈ ಹಿನ್ನೆಲೆಯಲ್ಲಿ ಮೂಲೆಹೊಳೆ ಹಾಗೂ ಗಡಿಯಲ್ಲಿರುವ ಕೇರಳದ ವೈನಾಡಿನ ಅರಣ್ಯ ಪ್ರದೇಶದ ವೀಕ್ಷಣೆ ಮಾಡಿ ಬಂದಿರುವ ಬೇರ್‌ಗ್ರಿಲ್‌, ಉದ್ದೇಶಿತ ಅರಣ್ಯಪ್ರದೇಶಗಳಲ್ಲಿ ಚಿತ್ರೀಕರಣ ಮಾಡಲಿದ್ದಾರೆ. ಅರಣ್ಯ ಇಲಾಖೆ ಇಲ್ಲಿ ಚಿತ್ರೀಕರಣಕ್ಕೆ 5 ದಿನಗಳ ಅನುಮತಿ ನೀಡಿದೆ.

ಈ ಮಧ್ಯೆ, ಅಕ್ಷಯ್‌ ಕುಮಾರ್‌ ಅವರು ಬುಧವಾರ ಮಧ್ಯಾಹ್ನ ಮೈಸೂರಿಗೆ ವಿಶೇಷ ವಿಮಾನದಲ್ಲಿ ಆಗಮಿಸಿ, ಅಲ್ಲಿಂದ ರಸ್ತೆ ಮಾರ್ಗವಾಗಿ ಬಂಡಿಪುರದ ಸೆರಾಯ್‌ ರೆಸಾರ್ಟ್‌ಗೆ ತೆರಳಿ ವಾಸ್ತವ್ಯ ಹೂಡಿದರು. ಜ.30 ರಂದು ಚಿತ್ರೀಕರಣ ಮುಗಿಸಿ ಅವರು ಮುಂಬೈಗೆ ತೆರಳಲಿ¨ªಾರೆ ಎಂದು ಮೂಲಗಳು ತಿಳಿಸಿವೆ.