ಬೇಡಿಕೆ ಈಡೇರಿಕೆಗೆ ಉಪನ್ಯಾಸಕರ ಪ್ರತಿಭಟನೆ

Team Udayavani, Feb 12, 2020, 4:40 PM IST

ಮಾಲೂರು: ಪಟ್ಟಣದ ಸರ್ಕಾರಿ ಬಾಲಕಿಯರ ಜೂನಿಯರ್‌ ಕಾಲೇಜು ಉಪನ್ಯಾಸಕರು ವಿಶೇಷ ಭತ್ಯೆ ಸೇರಿದಂತೆ ತಮ್ಮ ನ್ಯಾಯ ಸಮ್ಮತ ಬೇಡಿಕೆಗಳ ಈಡೇರಿಕೆಗಾಗಿ ಕಪ್ಪುಪಟ್ಟಿ ಧರಿಸಿ ಕರ್ತವ್ಯ ನಿರ್ವಹಿಸಿದರು.

ರಾಜ್ಯದ ಕುಮಾರ ನಾಯಕ್‌ ವರದಿಯಂತೆ ಉಪನ್ಯಾಸಕರ ವೇತನ ಪರಿಷ್ಕರಣೆ, 2009ರ ನಂತರ ನೇಮಕ ವಾಗಿರುವ ಎಲ್ಲಾ ಉಪನ್ಯಾಸಕರಿಗೆ ವಿಶೇಷ ಭತ್ಯೆ, ಪಿಎಚ್‌ಡಿ, ಎಂಫಿಲ್   ಪದವಿದರರಿಗೆ ನೆರೆಯ ರಾಜ್ಯ ಗಳಂತೆ ಪದವಿ ಕಾಲೇಜುಗಳಿಗೆ ಶಾಲಾ ಶಿಕ್ಷಕರು, ಪದವಿ ಪೂರ್ವ ಕಾಲೇಜಿಗೆ   ಭಡ್ತಿ ಹೊಂದಲು ಇರುವಂತಹ ನಿಯಮಗಳನ್ನು ಸಡಿಲಗೊಳಿಸಿ 10, 15 ಮತ್ತು 20 ವರ್ಷಗಳ ಸೇವಾ ಭಡ್ತಿಯನ್ನು ನೀಡುವ ಜೊತೆಗೆ ವಾರದ 20 ಗಂಟೆಗಳ ಬೋಧನಾ ಅವಧಿಯನ್ನು 16ಗಂಟೆಗೆ ಇಳಿಸುವಂತೆ ಅಗ್ರಹಿಸಿದ್ದಾರೆ.

ಪ್ರತಿಭಟನೆಯಲ್ಲಿ ಪದವಿ ಪೂರ್ವ ಕಾಲೇಜು ಉಪನ್ಯಾಸ ಕರ ಸಂಘದ ತಾಲೂಕು ಅಧ್ಯಕ್ಷ ಡಾ.ಜಿ. ಹನುಮಪ್ಪ, ಗೌರವಾಧ್ಯಕ್ಷ ಎ.ಜಿ.ಕೃಷ್ಣಯ್ಯ ಖಜಾಂಚಿ ಕೆ.ರವೀಂದ್ರ, ಕಾಲೇಜಿನ ಪ್ರಾಂಶುಪಾಲ ಎಸ್‌. ನಾರಾಯಣಪ್ಪ, ಉಪನ್ಯಾಸಕರಾದ ಆರ್‌.ವೆಂಕಟೇಶ್‌, ಲಕ್ಷ್ಮೀ ನಾರಾಯಣ್‌, ಎನ್‌.ಎಲ್‌. ಶಂಕರಪ್ಪ, ಬಿ.ಎಸ್‌. ನಾಗರಾಜು, ಬಿ.ಡಿ.ವೆಂಕಟಗಿರಿ, ಶಿಲ್ಪಾ, ಎಚ್‌. ಶಾಂತಾಬಾಯಿ, ವಂದನಾ, ಮಂಜುಳಾ ಮತ್ತಿತರರು ಭಾಗವಹಿಸಿದ್ದರು.