ಕೊರೊನಾ ಎಫೆಕ್ಟ್: ಯೂರೋಪ್‌ ಬಾಕ್ಸಿಂಗ್‌ ರದ್ದು

Team Udayavani, Feb 28, 2020, 6:00 AM IST

ಹೊಸದಿಲ್ಲಿ: ಇಟಲಿಯ ಅಸ್ಸಿಸಿಯಲ್ಲಿ ಶನಿವಾರದಿಂದ ಆರಂಭವಾಗಬೇಕಿದ್ದ ಯೂರೋಪ್‌ ವಲಯ ಬಾಕ್ಸಿಂಗ್‌ ಕೂಟವನ್ನು ಅಂತಾರಾಷ್ಟ್ರೀಯ ಬಾಕ್ಸಿಂಗ್‌ ಸಂಸ್ಥೆ ರದ್ದುಪಡಿಸಿದೆ. ಕೊರೊನಾ ವೈರಸ್‌ ಹಿನ್ನೆಲೆಯಲ್ಲಿ, ಮುನ್ನೆಚ್ಚರಿಕೆ ಕ್ರಮವಾಗಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

ಚೀನದಲ್ಲಿ ಕಾಣಿಸಿಕೊಂಡ ಕೊರೊನಾ ವೈರಸ್‌ ಒಂದೊಂದೇ ರಾಷ್ಟ್ರಗಳಿಗೆ ನಿಧಾನವಾಗಿ ಹಬ್ಬುತ್ತಿದೆ. ಈ ಬಗ್ಗೆ ಮಾತನಾಡಿದ ಎಐಬಿಎ ಹಂಗಾಮಿ ಅಧ್ಯಕ್ಷ ಡಾ| ಮೊಹಮ್ಮದ್‌, “ಕೊರೊನಾ ವೈರಸ್‌ ಮಾರಕವಾಗಿ ಹಬ್ಬುತ್ತಿದೆ. ಈ ಕಾರಣಗಳಿಂದ ಇಟಲಿ ಆವೃತ್ತಿಯ ಬಾಕ್ಸಿಂಗ್‌ ಕೂಟವನ್ನು ರದ್ದುಪಡಿಸಲಾಗುತ್ತಿದೆ. ಈ ವರ್ಷದ ಕೊನೆಯಲ್ಲಿ ಕೂಟವನ್ನು ಬೇರೆಡೆ ಆಯೋಜಿಸಲು ತೀರ್ಮಾನಿಸಿದ್ದೇವೆ. ಪರಿಸ್ಥಿತಿ ನಿಯಂತ್ರಣಕ್ಕೆ ಬರುವ ತನಕ ಕೂಟ ನಡೆಸಲು ಸಾಧ್ಯವಾಗುವುದಿಲ್ಲ. ಕೂಟಕ್ಕೆ ಬರುವ ಸ್ಪರ್ಧಿಗಳ, ಸಿಬಂದಿಯ ಆರೋಗ್ಯ ಮೊದಲು’ ಎಂದು ತಿಳಿಸಿದ್ದಾರೆ.

ಕೊರೊನಾ ವೈರಸ್‌ ಇಟಲಿಯ ಸುತ್ತಲೂ ವ್ಯಾಪಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ಇಟಲಿಯಲ್ಲಿರುವ ಭಾರತದ ಬಾಕ್ಸಿಂಗ್‌ ತಂಡ ಶುಕ್ರವಾರ ಅಲ್ಲಿಂದ ವಾಪಸಾಗಲಿದೆ ಎನ್ನಲಾಗಿದೆ.