ಸೆನ್ಸಾರ್‌ನಲ್ಲಿ “ಲಕ್ಷ್ಯ’ ಪಾಸ್‌

Team Udayavani, Mar 4, 2020, 7:00 AM IST

ಹಿರಿಯ ನಟ ರಾಮಕೃಷ್ಣ, ಸಂತೋಷ್‌ ರಾಜ್‌ ಝಾವರೆ, ನಿತಿನದ್ವಿ, ಮಾಲತಿಶ್ರೀ, ಶರ್ಮಿಳಾ ಚಂದ್ರಶೇಖರ್‌, ಬೇಬಿ ಗಮನ ಮುಂತಾದ ಕಲಾವಿದರು ಪ್ರಮುಖ ಭೂಮಿಕೆಯಲ್ಲಿ ಅಭಿನಯಿಸಿರುವ “ಲಕ್ಷ್ಯ’ ಚಿತ್ರ ತೆರೆಗೆ ಬರಲು ಸಿದ್ಧವಾಗಿದೆ. ಇತ್ತೀಚೆಗೆ ಈ ಚಿತ್ರವನ್ನು ವೀಕ್ಷಿಸಿದ ಪ್ರಾದೇಶಿಕ ಸೆನ್ಸಾರ್‌ ಮಂಡಳಿ ಚಿತ್ರಕ್ಕೆ “ಯು’ ಪ್ರಮಾಣ ಪತ್ರ ನೀಡಿ, ಬಿಡುಗಡೆಗೆ ಅಸ್ತು ಎಂದಿದೆ.

“ಮೇಘಾ ಕಂಬೈನ್ಸ್‌’ ಬ್ಯಾನರ್‌ ಅಡಿಯಲ್ಲಿ ಮಹಾಂತೇಶ ತಾಂವಶಿ ಬಂಡವಾಳ ಹೂಡಿ ನಿರ್ಮಿಸಿರುವ “ಲಕ್ಷ್ಯ’ ಚಿತ್ರಕ್ಕೆ ಯುವ ನಿರ್ದೇಶಕ ರವಿ ಸಾಸನೂರ್‌ ಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಚಿತ್ರಕ್ಕೆ ಜುವಿನ್‌ ಸಿಂಗ್‌ ಸಂಗೀತ ಸಂಯೋಜನೆಯಿದ್ದು, ಅನುರಾಧಾ ಭಟ್‌, ಜೆಸ್ಸಿ ಗಿಫ್ಟ್, ಕೆ.ಎಸ್‌. ಹರಿಶಂಕರ್‌, ವಿಶಾಕ್‌ ನಾಗಲಾಪುರ ಮುಂತಾದವರು ಚಿತ್ರದ ಹಾಡುಗಳಿಗೆ ಧ್ವನಿಯಾಗಿದ್ದಾರೆ.

ಈಗಾಗಲೆ “ಲಕ್ಷ್ಯ’ ಚಿತ್ರದ ಟೀಸರ್‌ ಬಿಡುಗಡೆ ಮಾಡುವ ಮೂಲಕ ಪ್ರಮೋಶನ್‌ ಕೆಲಸಗಳಿಗೆ ಚಾಲನೆ ನೀಡಿರುವ ಚಿತ್ರತಂಡ, ಏಪ್ರಿಲ್‌ ವೇಳೆಗೆ ಚಿತ್ರವನ್ನು ತೆರೆಗೆ ತರುವ ಯೋಚನೆಯಲ್ಲಿದೆ.