ಚೀನದಲ್ಲಿ ಆ್ಯಪಲ್‌ನ ಎಲ್ಲಾ ಸ್ಟೋರ್‌ಗಳಿಗೆ ಬೀಗ

Team Udayavani, Mar 15, 2020, 11:29 PM IST

ಸ್ಯಾನ್‌ ಫ್ರ್ಯಾನ್‌ಸಿಸ್ಕೋ: ಜಗತ್ತಿನ ಖ್ಯಾತ ಆಯ್ದ ಎಲೆಕ್ಟ್ರಾನಿಕ್‌ ಉಪಕರಣಗಳ ತಯಾರಿಕ ಸಂಸ್ಥೆ ಆ್ಯಪಲ್‌ ತಾತ್ಕಾಲಿಕವಾಗಿ ಚೀನದಲ್ಲಿನ ತನ್ನ ಎಲ್ಲಾ ಸ್ಟೋರ್‌ಗಳನ್ನು ಮುಚ್ಚಲಿದೆ. ಈ ಆದೇಶ ಮಾರ್ಚ್‌ 27ರ ವರೆಗೆ ಮುಂದುವರಿಯಲಿದೆ. ಚೀನದಲ್ಲಿ ಈಗಾಗಲೇ ಈ ಸೋಂಕಿನ ಕುರಿತು ಎಚ್ಚರ ವಹಿಸಲಾಗಿದ್ದು, ಸಾವಿನ ಸಂಖ್ಯೆಯೂ ಇಳಿಮುಖವಾಗುತ್ತಿದೆ. ಈ ಮಧ್ಯೆ ಕೆಲವು ಮೊಬೈಲ್‌ ತಯಾರಿಕಾ ಸಂಸ್ಥೆಗಳು ಈಗಾಗಲೇ ಕೆಲವೆಡೆ ತಮ್ಮ ಸ್ಟೋರ್‌ಗಳನ್ನು ತೆರೆದಿವೆ. ಆದರೆ ಆ್ಯಪಲ್‌ ಮಾತ್ರ ಈ ತಿಂಗಳಾಂತ್ಯದಲ್ಲಿ ತೆರೆಯುವುದಾಗಿ ಹೇಳಿದೆ.

ಕ್ಯಾಲಿಫೋರ್ನಿಯಾ ಮೂಲದ ಆ್ಯಪಲ್‌ ಜಗತ್ತಿನ 24 ರಾಷ್ಟ್ರಗಳಲ್ಲಿ ಸುಮಾರು 500 ಸ್ಟೋರ್‌ಗಳನ್ನು ಹೊಂದಿದೆ. ಚೀನದಲ್ಲಿ 42 ಸ್ಟೋರ್‌ಗಳನ್ನು ಹೊಂದಿದ್ದು, ಫೆಬ್ರವರಿ 1ರ ಬಳಿಕ ಎಲ್ಲವೂ ಬಾಗಿಲು ಮುಚ್ಚೇ ಇವೆ.
ಸಂಸ್ಥೆ ಈಗಾಗಲೇ ಈ ಮಹಾಮಾರಿಯನ್ನು ತಡೆಯಲು ಸುಮಾರು 15 ಮಿಲಯನ್‌ ಡಾಲರ್‌ಗಳನ್ನು ನೀಡಿದೆ. ಈ ಕೊರೊನಾ ವೈರಸ್‌ ಈಗಾಗಲೇ ಆ್ಯಪಲ್‌ ಸಂಸ್ಥೆಯನ್ನೂ ತಲುಪಿದ್ದು, ಕಳೆದ ತಿಂಗಳು ಜಾಗತಿಕವಾಗಿ ಕನಿಷ್ಠ ಮಾರುಕಟ್ಟೆಯನ್ನು ಕಂಡಿದೆ ಎಂದು ಹೇಳಿಕೊಂಡಿದೆ.