ಅಮೇರಿಕ ಶ್ವೇತಭವನಕ್ಕೂ ಕಾಲಿಟ್ಟ ಕೋವಿಡ್ 19: ಟ್ರಂಪ್ ಗೂ ಶುರುವಾಯಿತು ಚಿಂತೆ

Team Udayavani, Mar 21, 2020, 10:16 AM IST

ವಾಷಿಂಗ್ಟನ್ ಡಿಸಿ: ವಿಶ್ವದಾದ್ಯಂತ ಹೆಮ್ಮಾರಿಯಂತೆ ಹಬ್ಬುತ್ತಿರುವ ಕೋವಿಡ್-19 ಸೋಂಕು ಅಮೇರಿಕದ ಶ್ವೇತಭವನಕ್ಕೂ ಕಾಲಿಟ್ಟಿದೆ. ಅಮೇರಿಕ ಉಪಾಧ್ಯಕ್ಷ ಮೈಕ್ ಪೆನ್ಸ್ ರ ಕಚೇರಿ ಸಿಬ್ಬಂದಿಗೆ ಕೋವಿಡ್ 19 ಸೋಂಕು ತಗುಲಿದೆ.

ಈ ವಿಷಯವನ್ನು ಶ್ವೇತಭವನ ಅಧಿಕೃತವಾಗಿ ಘೋಷಿಸಿದ್ದು, ಆ ಸಿಬ್ಬಂದಿಯ ಸನಿಹಕ್ಕೆ ಅಧ್ಯಕ್ಷ ಡೋನಾಲ್ಡ್ ಟ್ರಂಪ್ ಅಥವಾ ಉಪಾಧ್ಯಕ್ಷ ಮೈಕ್ ಪೆನ್ಸ್ ಬಂದಿಲ್ಲ ಎನ್ನಲಾಗಿದೆ.

ಉಪಾಧ್ಯಕ್ಷರ ಆಫೀಸ್ ನ ಸದಸ್ಯನಿಗೆ ಕೋವಿಡ್ 19 ಪಾಸಿಟಿವ್ ಬಂದಿರುವುದು ಅಧಿಕೃತವಾಗಿದೆ ಎಂದು ಮೈಕ್ ಪೆನ್ಸ್ ರ ವಕ್ತಾರ ಕ್ಯಾಟೀ ಮಿಲ್ಲರ್ ಹೇಳಿಕೆ ನೀಡಿದ್ದಾರೆ.

ಅಮೇರಿಕ ಪ್ರಧಾನಿ ಡೋನಾಲ್ಡ್ ಟ್ರಂಪ್ ಅವರಿಗೂ ಕಳೆದ ವಾರ ಕೋವಿಡ್ 19 ಪರೀಕ್ಷೆ ಮಾಡಲಾಗಿದ್ದು, ನೆಗೆಟಿವ್ ವರದಿ ಬಂದಿದೆ.

ಕೋವಿಡ್ 19 ಸೋಂಕು ನಿಯಂತ್ರಣದ ಟಾಸ್ಕ್ ಫೋರ್ಸ್ ನ ನೇತೃತ್ವ ವಹಿಸಿದ್ದ ಉಪಾಧ್ಯಕ್ಷ ಮೈಕ್ ಪೆನ್ಸ್ ಗೆ ಇ್ನನೂ ಸೋಂಕು ಪರೀಕ್ಷೆ ನಡೆಸಲಾಗಿಲ್ಲ.

ಅಮೇರಿಕದಲ್ಲಿ ಇದುವರೆಗೆ 19,658 ಜನರು ಕೋವಿಡ್ 19 ಸೋಂಕು ಪೀಡಿತರಾಗಿದ್ದು, 264 ಜನರು ಮೃತಪಟ್ಟಿದ್ದಾರೆ.