ಕೋವಿಡ್-19 ವೈರಸ್ ನಿಯಂತ್ರಣಕ್ಕೆ 21 ದಿನಗಳ ಕರ್ಫ್ಯೂ ಹೇರಿದ ಸೌದಿ ಅರೇಬಿಯಾ

Team Udayavani, Mar 23, 2020, 8:50 AM IST

ರಿಯಾದ್: ಅಪಾಯಕಾರಿ ಕೋವಿಡ್-19 ವೈರಸ್ ನಿಯಂತ್ರಣಕ್ಕಾಗಿ ಸೌದಿ ಅರೇಬಿಯಾ ಇಂದಿನಿಂದ ಕರ್ಫ್ಯೂ ಹೇರಿದೆ. ಸೋಂಕು ಹರಡುವುದನ್ನು ತಪ್ಪಿಸುವ ಸಲುವಾಗಿ ಸೌದಿ ಅರೇಬಿಯಾ ಈ ಆದೇಶ ಹೊರಡಿಸಿದೆ.

ಸೌದಿ ರಾಜ ಸಲ್ಮಾನ್ 21 ದಿನಗಳ ಕರ್ಫ್ಯೂಗೆ ಆದೇಶ ನೀಡಿದ್ದು, ರಾತ್ರಿ ಏಳು ಗಂಟೆಯಿಂದ ಬೆಳಗ್ಗೆ ಆರು ಗಂಟೆಯವರೆಗೆ ಕರ್ಫ್ಯೂ ಇರಲಿದೆ. ಸೋಮವಾರ ಸಂಜೆಯಿಂದ ಇದು ಜಾರಿಗೆ ಬರಲಿದೆ.

ಯಎಇ ಯಲ್ಲಿ ಎಲ್ಲಾ ಪ್ರಯಾಣಿಕರ ವಿಮಾನಗಳನ್ನು ತಡೆಹಿಡಿಯಲಾಗಿದೆ. ಕೋವಿಡ್-19 ಸೋಂಕು ಉಲ್ಬಣಿಸದಂತೆ ಎರಡು ವಾರಗಳ ಕಾಲ ದೇಶದಿಂದ ಹೊರಡುವ ಮತ್ತು ಬರುವ ಎಲ್ಲಾ ಪ್ರಯಾಣಿಕರ ವಿಮಾನಗಳನ್ನು ರದ್ದು ಮಾಡಲಾಗಿದೆ. ಕಾರ್ಗೋ ಸೇವೆಗಳು ಮತ್ತೆ ಮುಂದುವರಿಯಲಿದೆ.

ಔಷಧ ಮಳಿಗೆಗಳು, ಸೂಪರ್ ಮಾರ್ಕೆಟ್ ಗಳು, ಮೀನು- ಮಾಂಸದಂಗಡಿಗಳು ಹೊರತುಪಡಿಸಿ ಎಲ್ಲಾ ಮಳಿಗೆಗಳನ್ನು ಮುಚ್ಚಲು ಯುಎಇ ಆದೇಶಿಸಿದೆ.