ಕೊಪ್ಪಳ ಕೂಲಿ ಕಾರ್ಮಿಕರಿಗೆ ಊಟ-ತಿಂಡಿ ಕೊಟ್ಟ ಬಂಟ್ವಾಳ ಗ್ರಾಮಾಂತರ ಠಾಣೆಯ ಪಿಎಸ್ಐ.!

Team Udayavani, Mar 28, 2020, 3:26 PM IST

ಬಂಟ್ವಾಳ: ಒಂದೆಡೆ ಮಾಡುವುದಕ್ಕೆ ಕೆಲಸವಿಲ್ಲ, ಕೂತು ತಿನ್ನೋಣ ಎಂದರೆ ಕೈಯಲ್ಲಿ ದುಡ್ಡಿಲ್ಲ, ಊರಿಗೆ ಹೋಗೋಣವೆಂದರೆ ಸಾರಿಗೆ ವ್ಯವಸ್ಥೆ ಇಲ್ಲ. ಇಂತಹ ಸಂದಿಗ್ದ ಪರಿಸ್ಥಿತಿಯಲ್ಲಿದ್ದಾರೆ ಪರವೂರಿನ ಕೂಲಿ ಕಾರ್ಮಿಕರು.

ಇದೇ ಕಾರಣಕ್ಕೆ ಕೊಪ್ಪಳ ಮೂಲದ 12 ಮಂದಿಯ ಕುಟುಂಬವೊಂದು ನಡೆದುಕೊಂಡೇ ಊರಿಗೆ ಹೋಗಲು ಮುಂದಾಗಿದ್ದಾರೆ. ಈ ಕುಟುಂಬ ಊಟ ತಿಂಡಿಯಿಲ್ಲದೆ ನಡೆದುಕೊಂಡು ಹೋಗುವುದನ್ನು ಕಂಡ ರೌಂಡ್ಸ್ ನಲ್ಲಿದ್ದ ಬಂಟ್ವಾಳ ಗ್ರಾಮಾಂತರ ಪಿಎಸ್ಐ ಪ್ರಸನ್ನ ಅವರು ಕಾರ್ಮಿಕರನ್ನು ಬ್ರಹ್ಮರಕೂಟ್ಲು ಟೋಲ್ ಬಳಿ ಕೂರಿಸಿ, ಬಿಸ್ಕೇಟ್ – ನೀರು ಕೊಟ್ಟು ಸಂತೈಸಿದ್ದಾರೆ.

ಬಳಿಕ ಕುಟುಂಬ ಫರಂಗಿಪೇಟೆ ತಲುಪುತ್ತಿದ್ದಂತೆ ಅವರಿಗೆ ಊಟದ ವ್ಯವಸ್ಥೆಯನ್ನೂ ಮಾಡಿ ಕಳುಹಿಸಿದ್ದಾರೆ. ಪೊಲೀಸ್ ಇಲಾಖೆಯ ಎಎಸ್ಐ ರಮೇಶ್, ಸಿಬಂದಿ ನಝೀರ್, ಸೋಮಶೇಖರ್ ಜತೆಗಿದ್ದರು.