ಲಾಕ್‌ಡೌನ್‌; ಲಾಠಿ ಹಿಡಿದ ಮಹಿಳೆಯರು!

Team Udayavani, Mar 30, 2020, 5:08 PM IST

ಬಾಗಲಕೋಟೆ: ದೇಶಾದ್ಯಂತ ಕೋವಿಡ್‌-19 ವೈರಸ್‌ ನಿಯಂತ್ರಣಕ್ಕೆ ಲಾಕ್‌ಡೌನ್‌ ಘೋಷಣೆ ಮಾಡಿದ್ದು, ಕೆಲವರು ಅನಗತ್ಯವಾಗಿ ಹೊರಗೆ ತಿರುಗುವುದು ಮುಂದು ವರೆಯುತ್ತಲೇ ಇದೆ. ಅಂತಹ ವ್ಯಕ್ತಿಗಳಿಗೆ ಜಿಲ್ಲೆಯ ಮಹಿಳೆಯರೇ ಲಾಠಿ ಹಿಡಿದು ಮನೆಗೆ ಸೇರಿಸುತ್ತಿದ್ದಾರೆ.

ಹೌದು, ಜಿಲ್ಲೆಯ 198 ಗ್ರಾಪಂ. ವ್ಯಾಪ್ತಿಯಲ್ಲೂ ಸ್ಥಳೀಯ ಜನ ಪ್ರತಿನಿಧಿಗಳು ಒಳಗೊಂಡ ಟಾಸ್ಕ್ಪೋರ್ಸ್‌ ಸಮಿತಿ ರಚಿಸಿದ್ದು, ಈ ಸಮಿತಿ ಸಕ್ರಿಯವಾಗಿ ಕೆಲಸ ಮಾಡುತ್ತಿದೆ. ಜತೆಗೆ ಆಯಾ ಗ್ರಾಮದಲ್ಲಿ ಕೋವಿಡ್‌-19ರ ಕುರಿತು ಜಾಗೃತಿಗೆ ಜಿಪಂನಿಂದ ಆಶಾ, ಅಂಗನವಾಡಿ ಕಾರ್ಯಕರ್ತೆಯರು ಹಾಗೂ ಸ್ತ್ರೀಶಕ್ತಿ ಸಂಘಗಳ ಮಹಿಳೆಯರು ಒಳಗೊಂಡ ಜಾಗೃತಿ ಸಮಿತಿ ಕೂಡ ಮಾಡಿದ್ದು, ಈ ಸಮಿತಿಯ ಮಹಿಳೆಯರು, ಕೈಯಲ್ಲಿ ಲಾಠಿ ಹಿಡಿದು, ರಸ್ತೆಗಿಳಿಯುತ್ತಿದ್ದಾರೆ. ತುರ್ತು ಕೆಲಸವಿಲ್ಲದಿದ್ದರೂ ಮನೆಯಿಂದ ಹೊರಗೆ ಬರುವ ಜನರತ್ತ ಲಾಠಿ ಬೀಸಿ, ಮನೆ ಸೇರಿಕೊಳ್ಳಲು ಎಚ್ಚರಿಕೆ ನೀಡುತ್ತಿದ್ದಾರೆ. ಜತೆಗೆ ಕೋವಿಡ್‌-19ರ ಕುರಿತು ಜಾಗೃತಿಯನ್ನೂ ಮೂಡಿಸುತ್ತಿದ್ದು, ಕಡ್ಡಾಯವಾಗಿ ಮಾಸ್ಕ್ ಧರಿಸುವಂತೆ ತಿಳಿ ಹೇಳುತ್ತಿದ್ದಾರೆ.