ಜರ್ಮನಿಯಲ್ಲಿ ‘ಉದ್ಯೋಗ ಕಡಿತ’ ಭೀತಿ ಇಲ್ಲ! ; ಏನಿದು ‘ಕುರ್ಜಾಬೇಯ್ಟ್’ ಯೋಜನೆ?

Team Udayavani, Mar 31, 2020, 5:31 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಬರ್ಲಿನ್‌: ಕೋವಿಡ್ 19 ವೈರಸ್ ನಿಂದ ಇಡೀ ವಿಶ್ವವೇ ಸ್ತಬ್ಧವಾಗಿರುವ ಹಿನ್ನೆಲೆಯಲ್ಲಿ ಅನೇಕ ಕೋಟ್ಯಂತರ ಜನರು ಉದ್ಯೋಗ ಕಳೆದುಕೊಳ್ಳುವ ಭೀತಿಯಲ್ಲಿದ್ದಾರೆ. ಉದ್ಯೋಗ ಕಡಿತವನ್ನು ತಪ್ಪಿಸಲು ಜರ್ಮನಿ ‘ಕುರ್ಜಾಬೇಯ್ಟ್’ ಎಂಬ ಯೋಜನೆಯನ್ನು ಜಾರಿಗೊಳಿಸಿದೆ. 2ನೇ ಮಹಾಯುದ್ಧದ ಸಂದರ್ಭದಲ್ಲೇ ಜಾರಿಗೊಂಡಿದ್ದ ಯೋಜನೆಯನ್ನು ಜರ್ಮನಿ ಸರಕಾರ ಈಗ ಮತ್ತೆ ಜಾರಿಗೊಳಿಸಿದೆ.

ಈ ಯೋಜನೆ ಜಾರಿಯಲ್ಲಿರುವ ಸಂದರ್ಭದಲ್ಲಿ, ಅಲ್ಲಿನ ಕಂಪನಿಗಳು ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದು ಹಾಕುವಂತಿಲ್ಲ. ಅಂದರೆ ಅವರೆಲ್ಲರಿಗೂ ರಜೆ ಕೊಟ್ಟು ಅವರನ್ನು ಮನೆಗೆ ಕಳುಹಿಸಬೇಕಿರುತ್ತದೆ. ಸರಕಾರವು ಉದ್ಯೋಗಿಗಳಿಗೆ ಅವರ ವೇತನದ ಶೇ. 60ರಷ್ಟನ್ನು (ಮಕ್ಕಳಿದ್ದವರಿಗೆ ಶೇ. 67) ಪಾವತಿಸುತ್ತದೆ. ಉಳಿದ ಶೇ. 40ರಷ್ಟನ್ನು ಕಂಪನಿ ಪಾವತಿಸಬೇಕಿರುತ್ತದೆ.

ಜೊತೆಗೆ, ಆರೋಗ್ಯ ವಿಮೆ, ಜೀವನ ವಿಮೆಗಳ ಪ್ರೀಮಿಯಂ ಪಾವತಿಸದೇ ಸೌಲಭ್ಯ ಪಡೆಯುವ ಅವಕಾಶ ಕಲ್ಪಿಸಲಾಗುತ್ತದೆ. ಈ ರೀತಿ, ಅಲ್ಲಿನ ಕಂಪನಿಗಳನ್ನು, ಉದ್ಯೋಗಿಗಳನ್ನು ರಕ್ಷಿಸಲಾಗುತ್ತದೆ.