ಪತ್ನಿ ಬರ್ತ್‌ಡೇಗಾಗಿ ಕೇಕ್‌ ಮಾಡಿದ ಪ್ರೇಮ್

Team Udayavani, Apr 1, 2020, 10:48 AM IST

ಮಾರ್ಚ್‌ 31 – ನಟಿ ರಕ್ಷಿತಾ ಪ್ರೇಮ್‌ ಅವರ ಹುಟ್ಟುಹಬ್ಬ. ಕಳೆದ ವರ್ಷ ಅವರ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಯುಬಿ ಸಿಟಿಯಲ್ಲಿ ಆಚರಿಸಲಾಗಿತ್ತು.

ಅದೇ ದಿನ ಏಕ್‌ ಲವ್‌ ಯಾ ಚಿತ್ರ ಕೂಡಾ ಲಾಂಚ್‌ ಆಗಿತ್ತು. ಆದರೆ ಈ ವರ್ಷ ಕೋವಿಡ್ 19 ಎಫೆಕ್ಟ್ ನಿಂದಾಗಿ ಸಿಂಪಲ್ಲಾಗಿ ಮನೆಯಲ್ಲೇ ಆಚರಿಸಲಾಗಿದೆ. ಸ್ವತಃ ಪ್ರೇಮ್‌ ಅವರೇ ಕೇಕ್‌ ತಯಾರಿಸಿ ಪತ್ನಿಯ ಹುಟ್ಟುಹಬ್ಬ ಆಚರಿಸಿದ್ದಾರೆ.

ಕುಟುಂಬ ವರ್ಗದೊಂದಿಗೆ ಸರಳವಾಗಿ ಹುಟ್ಟುಹಬ್ಬ ಆಚರಿಸಿದ್ದು, ಕೋವಿಡ್ 19 ಭೀತಿ ಮುಗಿದ ಬಳಿಕ ಪಾರ್ಟಿ ಮಾಡೋಣ ಎಂದಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಪ್ರೇಮ್‌, ಪ್ರತಿ ವರ್ಷ ರಕ್ಷಿತಾ ಅವರ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸುತ್ತಿದ್ದೆವು. ಆದರೆ ಈ ವರ್ಷ ಮನೆಯಲ್ಲಿರಬೇಕಾದ ಅನಿವಾರ್ಯತೆ ಇದೆ. ಸ್ಟೇ ಹೋಮ್‌ ಸ್ಟೇ ಸೇಫ್. ಹಾಗಾಗಿ, ನಾವೇ ಸೇರಿಕೊಂಡು ಕೇಕ್‌ ಮಾಡಿದ್ದೇವೆ ಎಂದಿದ್ದಾರೆ. ಪತಿ ಪ್ರೇಮ್‌, ಮಗ ಸೂರ್ಯ ಸೇರಿ ಕೇಕ್‌ ತಯಾರಿಸಿ ತಮ್ಮ ಹುಟ್ಟುಹಬ್ಬ ಆಚರಿಸಿದ್ದರಿಂದ ನಟಿ ರಕ್ಷಿತಾ ಖುಷಿಯಾಗಿದ್ದಾರೆ.