ಗುಡ್‌ ಬೈ ಕೋವಿಡ್ 19 ಎಂದ ಹಂಸಲೇಖ

Team Udayavani, Apr 1, 2020, 11:12 AM IST

ಹಂಸಲೇಖ ಯಾವುದೇ ವಿಷಯವನ್ನಾದರೂ ತಮ್ಮ ಸಾಹಿತ್ಯ, ಸಂಗೀತದ ಮೂಲಕ ಅದ್ಭುತವಾಗಿ ಕಟ್ಟಿಕೊಡುತ್ತಾರೆ. ಅದು ಅವರ ಈ ಹಿಂದಿನ ಸಿನಿಮಾ ಗೀತೆಗಳಲ್ಲಿ ಸಾಬೀತಾಗಿದೆ. ಈಗ ಹಂಸಲೇಖ ಅವರು ಬರೆದು ರಾಗ ಸಂಯೋಜಿಸಿರುವ ಹಾಡೊಂದು ಸೋಶಿಯಲ್‌ ಮೀಡಿಂಯಾದಲ್ಲಿ ಸಖತ್‌ ವೈರಲ್‌ ಆಗಿದೆ.  ಅದು ಕೋವಿಡ್ 19 ಕುರಿತಾಗಿ.

ಪ್ರಸ್ತುತ ಕೋವಿಡ್ 19 ಎಲ್ಲರನ್ನೂ ಭಯಪಡಿಸ ಮುನ್ನುಗ್ಗುತ್ತಿದೆ. ಈ ಸಂದರ್ಭದಲ್ಲಿ ಹಂಸಲೇಖ ಅವರು ಹಾಡೊಂದನ್ನು ರಚಿಸಿ, ಕೋವಿಡ್ 19 ಗೆ ಭಯಪಡಬೇಡಿ, ಮುಂದೆ ಎಲ್ಲವೂ ಸರಿ ಹೋಗುತ್ತದೆ ಎಂದಿದ್ದಾರೆ. ತಾವೇ ಸಾಹಿತ್ಯ ಬರೆದು, ಅದಕ್ಕೆ ಸಂಗೀತ ಕೂಡಾ ನೀಡಿದ್ದಾರೆ. ಈ ಹಾಡನ್ನು ಅವರ ಪತ್ನಿ ಲತಾ ಹಂಸಲೇಖ ಹಾಗೂ ಮಗಳು ನಂದಿನಿ ಹಾಡಿದ್ದಾರೆ. ಇವರ ಜೊತೆ ಹಂಸಲೇಖ ಕೂಡಾ ಜೊತೆಯಾಗಿದ್ದಾರೆ. ಸದ್ಯ ಈ ಹಾಡು ಯುಟ್ಯೂಬ್ನಲ್ಲಿ ವೈರಲ್‌ ಆಗಿದೆ.

ಬಾಯ್‌ ಬಾಯ್‌ ಕೋವಿಡ್ 19, ನೀನು ಹೋಗಲೇಬೇಕಿದೆ, ಗುಡ್‌ ಬೈ ಕೋವಿಡ್ 19, ನಿನಗೆ ಬೇರೆ ದಾರಿ ಏನಿದೆ… ಎಂದು ಆರಂಭವಾಗುವ ಈ ಹಾಡಿನ ಬಗ್ಗೆ ಹಂಸಲೇಖ ಅವರು ಮಾತನಾಡಿದ್ದಾರೆ. ಮುಖ್ಯವಾಗಿ ಮಕ್ಕಳಿಗೆ ಧೈರ್ಯ ತುಂಬಿದ್ದಾರೆ. ಮಕ್ಕಳೇ ಭಯಪಡಬೇಡಿ. ಕರೊನಾ ಒಂದು ಕ್ರಿಮಿ. ಆ ತರಹ ವೈರಸ್‌ಗಳು ಈ ಭೂಮಿಗೆ ಅದೆಷ್ಟೋ ಬಂದು ಹೋಗಿವೆ. ಇದು ಸಹ ಬಂದು ಹೋಗುತ್ತೆ. ಹಾಗಾಗಿ ಹೆದರಬೇಡಿ. ಕೋವಿಡ್ 19 ಗೆ ಸೆಂಡಫ್ ಮಾಡೋಣ, ಬೈ ಬೈ ಹೇಳಿ ಎಂದಿದ್ದಾರೆ. ಈ ಹಾಡು ಈಗ ಸೋಶಿಯಲ್‌ ಮೀಡಿಯಾದಲ್ಲಿ ಜೋರು ಸದ್ದು ಮಾಡುತ್ತಿದೆ.