ಅಡುಗೆ ಮನೆಯೊಳಗೆ ಬ್ಯಾಟ್ಸ್‌ಮನ್‌ ಮಾಯಾಂಕ್‌ ಅಗರ್ವಾಲ್ ಸವಿರುಚಿ

Team Udayavani, Apr 3, 2020, 11:00 AM IST

ಬೆಂಗಳೂರು: ಕ್ರಿಕೆಟಿಗ ಮಾಯಾಂಕ್‌ ಅಗರ್ವಾಲ್‌ ವಾರಗಳ ಹಿಂದೆ ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ಮನೆಯ ಎದುರಿನ ಗಾರ್ಡನ್‌ ಅನ್ನೇ ಜಿಮ್‌ ಮಾಡಿಕೊಂಡು  ವ್ಯಾಯಾಮ ನಡೆಸಿ ಸುದ್ದಿಯಾಗಿದ್ದರು. ಇದೀಗ ಅವರು ಮನೆಯೊಳಗಿನ ಅಡುಗೆ ಮನೆ ಪ್ರವೇಶಿಸಿ ರುಚಿಯಾದ ಅಡುಗೆ ಮಾಡಿ ಮತ್ತೂಮ್ಮೆ ಸುದ್ದಿಯಾಗಿದ್ದಾರೆ.

ಸ್ವತಃ ವಿಡಿಯೊವನ್ನು ಸಾಮಾಜಿಕ ಜಾಲತಾಣದಲ್ಲಿ ಮಾಯಾಂಕ್‌ ಅಗರ್ವಾಲ್‌ ಪ್ರಕಟಿಸಿದ್ದು, ತಾನು ಕ್ರಿಕೆಟ್‌ ಆಡುವುದಕ್ಕೂ ಸೈ, ಸಮಯ ಬಂದರೆ ಸೌಟು ಹಿಡಿಯುವುದಕ್ಕೂ ಸಿದ್ಧ ಎನ್ನುವುದನ್ನು ತೋರಿಸಿಕೊಟ್ಟಿದ್ದಾರೆ.

ಟೀಂ ಇಂಡಿಯಾ ಟೆಸ್ಟ್ ತಂಡದ ಆರಂಭಿಕ ಆಟಗಾರನಾಗಿರುವ ಮಯಾಂಕ್ ಅಗರ್ವಾಲ್ ಕಳೆದ ನ್ಯೂಜಿಲ್ಯಾಂಡ್ ವಿರುದ್ಧದ ಏಕದಿನ ಸರಣಿಯಲ್ಲಿ ಆರಂಭಿಕನಾಗಿ ಕಣಕ್ಕಿಳಿದಿದ್ದರು. ಆದರೆ ವಿಫಲರಾಗಿದ್ದರು.

ಐಪಿಎಲ್ ನಲ್ಲಿ ಕಿಂಗ್ಸ್ ಇಲೆವನ್ ಪಂಜಾಬ್ ತಂಡದ ಪರವಾಗಿ ಆಡುವ ಮಯಾಂಕ್ ಸದ್ಯ ಲಾಕ್ ಡೌನ್ ಸಂದರ್ಭದಲ್ಲಿ ಮನೆಯಲ್ಲಿ ಕಾಲಕಳೆಯುತ್ತಿದ್ದಾರೆ.