ದೀಪದ ಹತ್ತಿರ ಬಂದು ಶಾಖದಿಂದ ಕೋವಿಡ್-19 ವೈರಸ್ ಸಾಯುತ್ತದೆ: ಬಿಜೆಪಿ ಶಾಸಕ ರಾಮದಾಸ್

Team Udayavani, Apr 4, 2020, 10:55 AM IST

ಮೈಸೂರು: ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರು ದೇಶದ ಜನರಿಗೆ ಒಂದು ಹೊಸ ಕರೆಕೊಟ್ಟಿದ್ದು, ಎಪ್ರಿಲ್ 5ರಂದು ರಾತ್ರಿ ಮನೆಮುಂದೆ ದೀಪಹಚ್ಚುವಂತೆ ಹೇಳಿದ್ದರು. ಈಗ ಶಾಸಕ ಎಸ್. ರಾಮದಾಸ್ ಇದಕ್ಕೆ ವೈಜ್ಞಾನಿಕ ಕಾರಣ ನೀಡಿದ್ದು, ದೀಪದ ಬಳಿಬಂದು ವೈರಸ್ ಗಳು ಸಾಯುತ್ತವೆ ಎಂದಿದ್ದಾರೆ.

ಮೈಸೂರಿನಲ್ಲಿ ಜನರಿಗೆ ಮೊಂಬತ್ತಿ ಮತ್ತು ಮಾಸ್ಕ್ ಗಳನ್ನು ವಿತರಿಸಿ ಮಾತನಾಡಿದ ಅವರು, ಪ್ರಧಾನಿ ಮೋದಿ ದೀಪ ಹಚ್ಚಲು ಹೇಳಿರುವುದರ ಹಿಂದೆ ಕಾರಣವಿದೆ. ಮನೆಮುಂದೆ ದೀಪ ಹಚ್ಚಿದರೆ ವೈರಸ್ ಗಳು ಮನೆಮುಂದೆ ಬರುತ್ತದೆ. ಆಗ ಅವು ದೀಪದ ಶಾಖಕ್ಕೆ ಸಾಯುತ್ತವೆ ಎಂದು ಎಸ್.ರಾಮದಾಸ್ ತಮ್ಮದೇ ರೀತಿಯ ವ್ಯಾಖ್ಯಾನ ಮಾಡಿದ್ದಾರೆ.

ನರೇಂದ್ರ ಮೋದಿಯವರು ದೀಪ ಬೆಳಗಿಸಲು ಕರೆ ನೀಡಿರುವ ಕಾರಣ ರಾಮದಾಸ್ ಅವರು ಮೈಸೂರಿನ ದಸರಾ ವಸ್ತು ಪ್ರದರ್ಶನ ಮಾರುಕಟ್ಟೆಯಲ್ಲಿ ಮೊಂಬತ್ತಿ ಮತ್ತು ಮಾಸ್ಕ್ ಗಳನ್ನು ವಿತರಿಸಿದರು.