ಇಂಧನ ಪೂರೈಕೆ ನಿರಂತರ: ಎಂಆರ್‌ಪಿಎಲ್‌

Team Udayavani, Apr 4, 2020, 11:12 AM IST

ಸುರತ್ಕಲ್‌: ಲಾಕ್‌ಡೌನ್‌ ಜಾರಿಯಲ್ಲಿದ್ದರೂ ರಾಜ್ಯ ಮತ್ತು ದಕ್ಷಿಣ ಭಾರತ‌ದಲ್ಲಿ ಪೆಟ್ರೋಲ್‌, ಡೀಸೆಲ್‌, ಎಲ್‌ಪಿಜಿ ಗ್ಯಾಸ್‌ ಪೂರೈಕೆಯಲ್ಲಿ ಯಾವುದೇ ಕೊರತೆಯಾಗದಂತೆ ಕ್ರಮ ಕೈಗೊಳ್ಳಲಾಗಿದೆ ಎಂದು ಎಂಆರ್‌ಪಿಎಲ್‌ ತಿಳಿಸಿದೆ.

ಲಾಕ್‌ಡೌನ್‌ ಬಳಿಕ ಒಂದು ದಶಲಕ್ಷ ಗ್ಯಾಸ್‌ ಸಿಲಿಂಡರ್‌, 30 ದಶಲಕ್ಷ ಲೀಟರ್‌ ಡೀಸೆಲ್‌ ಪೂರೈಸುವ ಮೂಲಕ ಅಗತ್ಯವಾದ ಔಷಧ, ದಿನಸಿ, ತರಕಾರಿ ಸೇರಿದಂತೆ ಸರಕು ಸಾಗಾಟಕ್ಕೆ ತನ್ನ ಕೊಡುಗೆ ನೀಡಿದೆ.

10 ಸಾವಿರ ಸ್ಯಾನಿಟೈಸರ್‌
ಎಂಆರ್‌ಪಿಎಲ್‌ ಸಂಸ್ಥೆಯು ದ.ಕ. ಜಿಲ್ಲಾಡಳಿತಕ್ಕೆ ಕೋವಿಡ್‌ 19ರ ವಿರುದ್ಧ ಹೋರಾಟದ ಅಂಗವಾಗಿ 10 ಸಾವಿರ ಸ್ಯಾನಿಟೈಸರ್‌ಗಳನ್ನು ಹಸ್ತಾಂತರಿಸಿದೆ. ವೈದ್ಯರು, ಸರಕಾರಿ ಅಧಿ ಕಾರಿಗಳು ಸೇರಿದಂತೆ ಹೋರಾಟದಲ್ಲಿ ತೊಡಗಿಕೊಂಡವರ ಸುರಕ್ಷೆಗೆ ಇದು ಬಳಕೆಯಾಗಲಿದೆ ಎಂದು ಸಂಸ್ಥೆ ತಿಳಿಸಿದೆ.