ಜಪಾನ್‌ನಲ್ಲಿ ತುರ್ತು ಪರಿಸ್ಥಿತಿ ಘೋಷಣೆ ಸಾಧ್ಯತೆ

Team Udayavani, Apr 7, 2020, 12:20 PM IST

ಟೋಕಿಯೋದಲ್ಲಿ ನಾವೆಲ್ಲಾ ಗೆದ್ದೇ ಗೆಲ್ಲುತ್ತೇವೆ ಎಂಬ ಸ್ಫೂರ್ತಿ ವಾಕ್ಯ ಪ್ರದರ್ಶನ.

ಟೋಕಿಯೊ: ಕೋವಿಡ್-19 ಹಿನ್ನೆಲೆ ಯಲ್ಲಿ ಜಪಾನ್‌ನಲ್ಲಿ ತುರ್ತು ಪರಿಸ್ಥಿತಿ ಘೋಷಣೆಯಾಗುವ ಸಾಧ್ಯತೆ ಇದೆ.
ದೇಶಾದ್ಯಂತ ಹರಡಿರುವ ಕೊರೊನಾ ತಡೆಯುವ ಪ್ರಯತ್ನದಲ್ಲಿ ಜಪಾನ್‌ ಪ್ರಧಾನಿ ಶಿಂಜೊ ಅಬೆ ತುರ್ತು ಪರಿಸ್ಥಿತಿ ಯನ್ನು ಘೋಷಿಸಲಿದ್ದಾರೆ ಎಂದು ಸ್ಥಳೀಯ ಯೋಮಿಯುರಿ ಪತ್ರಿಕೆ ವರದಿ ಮಾಡಿದೆ. ಸೋಂಕಿನ ವೇಗ ಹೆಚ್ಚುತ್ತಿರುವುದರಿಂದ ಈ ಕ್ರಮದ ಮೊರೆ ಅನಿವಾರ್ಯ ಎನಿಸುವಂಥ ಸ್ಥಿತಿ ಇದೆ. ಯುನೈಟೆಡ್‌ ಸ್ಟೇಟ್ಸ…, ಯುರೋಪ್‌ ಮತ್ತು ಚೀನ ಮತ್ತು ಇತರ ದೇಶಗಳಿಗೆ ಹೋಲಿಸಿದರೆ ಜಪಾನ್‌ನಲ್ಲಿ ಸೋಂಕಿತರ ಸಂಖ್ಯೆ ಕಡಿಮೆ ಇದೆ. ಈಗ ನಿಧಾನವಾಗಿದ್ದರೂ, ಆತಂಕ ಹೆಚ್ಚಿದೆ. ಕಳೆದ ವಾರವೇ ತುರ್ತು ಪರಿಸ್ಥಿತಿಯನ್ನು ಘೋಷಿಸುವ ಸಾಧ್ಯತೆಯನ್ನು ಟೋಕಿಯೋ ಗವರ್ನರ್‌ ಯುರಿಕೊ ಕೊಯಿಕೆ ಅವರು ಉಲ್ಲೇಖೀಸಿದ್ದರು. ಕೋವಿಡ್-19 ವೈರಸ್‌ ಅನ್ನು ತಡೆಗಟ್ಟಲು ಮಾರ್ಚ್‌ನಲ್ಲಿ ಪರಿಷ್ಕರಿಸಿದ ಕಾನೂನಿ ನಂತೆ ಈ ರೋಗವು ಜೀವಗಳಿಗೆ “ಗಂಭೀರ ಅಪಾಯ’ವನ್ನುಂಟು ಮಾಡಿ ದರೆ ಮತ್ತು ಅದರ ಶೀಘ್ರ ಹರಡು ವಿಕೆಯು ಆರ್ಥಿಕತೆಯ ಮೇಲೆ ಭಾರಿ ಪರಿಣಾಮ ಬೀರ ಬಹುದಾದರೆ ಪ್ರಧಾನ ಮಂತ್ರಿ ತುರ್ತು ಪರಿಸ್ಥಿತಿ ಯನ್ನು ಘೋಷಿಸ ಬಹುದು ಎಂದು ಹೇಳಿತ್ತು.

ತುರ್ತು ಪರಿಸ್ಥಿತಿಯನ್ನು ಘೋಷಿಸಿದರೆ ಕೆಲವು ಪ್ರದೇಶಗಳಲ್ಲಿ ತೀವ್ರವಾಗಿ ಜನರಿಗೆ ತೊಂದರೆ ಯಾಗುವ ಸಾಧ್ಯತೆ ಇದೆ. ರಾಜ್ಯಪಾಲರಿಗೆ ವಿಶೇಷ ಅಧಿಕಾರ ದೊರೆಯಲಿದ್ದು ಎಲ್ಲರೂ ಮನೆಯೊಳಗೆ ಇರ ಬೇಕಾಗಿದ್ದು, ವ್ಯವಹಾರಗಳನ್ನು ಮುಚ್ಚಲು ಜನರಿಗೆ ಆದೇಶ ನೀಡಬಹು ದಾಗಿದೆ. ಆದರೆ ಇತರ ದೇಶಗಳಲ್ಲಿ ಕಂಡು ಬರುವ ರೀತಿಯ ಲಾಕ್‌ಡೌನ್‌ ಗಳನ್ನು ವಿಧಿಸಲಾಗುತ್ತಿಲ್ಲ. ಜನರು ಸರಕಾರದ ಸೂಚನೆಯನ್ನು ನಿರ್ಲಕ್ಷಿಸಿ ದರೆ ಯಾವುದೇ ದಂಡಗಳನ್ನು ಪಾವತಿಸ ಬೇಕಾಗಿ ಬರುವುದಿಲ್ಲ.

ಟೋಕಿಯೊ ಮಹಾನಗರ ಪ್ರದೇಶದಲ್ಲಿ ಮೊದಲು ತುರ್ತು ಪರಿಸ್ಥಿತಿ ಘೋಷಿಸುವ ಸಾಧ್ಯತೆಯಿದೆ. ಬಳಿಕ ಪಶ್ಚಿಮ ಜಪಾನ್‌ನ ಒಸಾಕಾ ಮತ್ತು ಹೊಗೊ ಪ್ರಾಂತ್ಯ ಗಳಲ್ಲೂ ಘೋಷಿಸಬಹುದಾಗಿದೆ. ಜಪಾನ್‌ನಲ್ಲಿ 3,500ಕ್ಕೂ ಹೆಚ್ಚು ಜನರು ಪಾಸಿಟಿವ್‌ ಹೊಂದಿದ್ದಾರೆ. 85 ಮಂದಿ ಸಾವನ್ನಪ್ಪಿ ದ್ದಾರೆ. ಟೋಕಿಯೊ ಮತ್ತು ಇತರೆಡೆ ಗವರ್ನರ್‌ಗಳು ಈ ಹಿಂದೆ ನಾಗರಿಕರನ್ನು ವಾರಾಂತ್ಯ ದಲ್ಲಿ ಮನೆಯಲ್ಲಿಯೇ ಇರಲು, ಜನಸಂದಣಿ ಮತ್ತು ಸಂಜೆ ವಿಹಾರಕ್ಕೆ ಹೋಗದಂತೆ ಕೇಳಿಕೊಂಡಿತ್ತು. ಜನರು ತಮ್ಮ ಮನೆಯಿಂದ ಕೆಲಸ ಮಾಡಲು ಕೋರಿಕೊಂಡಿದ್ದರು.

ತುರ್ತು ಪರಿಸ್ಥಿತಿಯಲ್ಲಿ ವ್ಯವಹಾರಗಳನ್ನು ಸಂಪೂರ್ಣ ನಿರ್ಬಂಧಿಸುವುದರಿಂದ ಆರ್ಥಿಕ ಹಿಂಜರಿತಕ್ಕೆ ಕಾರಣವಾಗಬಹುದಾಗಿದೆ. ಈಗಾಗಲೇ ಜಗತ್ತನ್ನು ಕಾಡುತಿರುವ ಹಿಂಜರಿತದಿಂದ ಹೊರಬರಲು ಹೆಣಗಾಡುತ್ತಿರುವ ಆರ್ಥಿಕತೆಗೆ ಭಾರೀ ಹೊಡೆತವನ್ನುಂಟು ಮಾಡಲಿದೆ.