ಪೊಲೀಸ್ ಇಲಾಖೆಯಿಂದ ಶಾಲಾಮಕ್ಕಳು ಪಾಲಕರಿಗೆ ಮಾಸ್ಕ್ ಹಾಗೂ ದಿನಸಿ ವಿತರಣೆ

Team Udayavani, Apr 10, 2020, 12:03 PM IST

ಗಂಗಾವತಿ: ಗಂಗಾವತಿ ವಿಭಾಗದ ಪೊಲೀಸ್ ಇಲಾಖೆ ವತಿಯಿಂದ ನಗರದ ಇಸ್ಲಾಂಪೂರ ಗಂಜ್ ಹಮಾಲಿ ಕ್ವಾರ್ಟರ್ಸ್ ಸರಕಾರಿ ಪ್ರೌಢಶಾಲೆಯ 130ಕ್ಕೂ ಹೆಚ್ಚು ಶಾಲಾಮಕ್ಕಳು ಮತ್ತು ಪಾಲಕರಿಗೆ ಉಚಿತವಾಗಿ ಮಾಸ್ಕ್ ವಿತರಿಸಲಾಯಿತು.

ಈ ಸಂದರ್ಭದಲ್ಲಿ ಡಿವೈಎಸ್ಪಿ ಡಾ.ಚಂದ್ರಶೇಖರ ಮಾತನಾಡಿ, ಕೋವಿಡ್-19 ರೋಗದಿಂದ ಮಕ್ಕಳು ಮತ್ತು ವಯೋವೃದ್ದರನ್ನು ಸಂರಕ್ಷಣೆ ಮಾಡಬೇಕು. ಸರಕಾರ ಘೋಷಣೆ ಮಾಡಿರುವ ಲಾಕ್ ಡೌನ್ ಪಾಲನೆ ಮಾಡಿ ಮನೆಯಲ್ಲಿರಬೇಕು. ಇದರಿಂದ ಸೋಂಕು ಹರಡುವುದಿಲ್ಲ. ರೋಗ ನಿರೋಧಕ ಶಕ್ತಿ ಇಲ್ಲದವರಿಗೆ ಸೋಂಕು ಬೇಗ ಹರಡುತ್ತದೆ. ಜನರು ಕೈಗಳನ್ನು ಆಗಾಗ ತೊಳೆದುಕೊಂಡು ಸ್ವಚ್ಛತೆಯಿಂದ ಇರಬೇಕು ಎಂದರು.

ಇದೇ ಸಂದರ್ಭದಲ್ಲಿ ಶಾಲಾಮಕ್ಕಳಿಗೆ ಬಿಸಿಯೂಟದ ದವಸಧಾನ್ಯ ವಿತರಿಸಲಾಯಿತು. ಸಿಪಿಐ ಸುರೇಶ ತಳವಾರ, ಕೃಷಿ ಮಾರಾಟ ಮಂಡಳಿ ಉಪನಿರ್ದೇಶಕ ಶ್ಯಾಮ್ ಮುಖ್ಯಗುರು ಚಂದ್ರಶೇಖರ, ನಗರಸಭೆ ಸದಸ್ಯ ಉಮೇಶ ಸಿಂಗನಾಳ, ಶಿಕ್ಷಕ ಸಿದ್ಧಲಿಂಗೇಶ್ವರ ಪೂಲಭಾವಿ ಸೇರಿ ಅನೇಕರಿದ್ದರು.