ಕೋವಿಡ್ ವೈರಸ್ ಪತ್ತೆಗೆ ಕ್ಷಯ ರೋಗ ಪರೀಕ್ಷಾ ಯಂತ್ರ

Team Udayavani, Apr 12, 2020, 12:15 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ನವದೆಹಲಿ: ಔಷಧ ನಿರೋಧಕ ಕ್ಷಯರೋಗದ ಪತ್ತೆಗಾಗಿ ಬಳಸಲಾಗುವ ಪರೀಕ್ಷಾ ಯಂತ್ರಗಳನ್ನು ಕೋವಿಡ್ ಸೋಂಕು ಪತ್ತೆಗೆ  ಬಳಸಲು ಭಾರತೀಯ ವೈದ್ಯಕೀಯ ಸಂಶೋಧನಾ ಕೌನ್ಸಿಲ್‌ (ಐಎಂಆರ್‌ಸಿ) ಒಪ್ಪಿಗೆ ನೀಡಿದೆ. ಕೋವಿಡ್ 19 ವೈರಸ್ ಶಂಕಿತರ ಪರೀಕ್ಷಾ ಪ್ರಮಾಣವನ್ನು ಗಣನೀಯವಾಗಿ ಹೆಚ್ಚಿಸುವ ನಿಟ್ಟಿನಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ.

ಔಷಧ ನಿರೋಧಕ ಕ್ಷಯರೋಗದ ಪತ್ತೆಗೆ ಬಳಸಲಾಗುವ “TruenatTM beta CoV ಪರೀಕ್ಷಾ ವಿಧಾನವನ್ನು ಕೋವಿಡ್ ಪತ್ತೆಗೆ ಬಳಸಲು ಒಪ್ಪಿಗೆ ನೀಡಿದೆ. ಸೋಂಕಿತರ ಗಂಟಲು ಹಾಗೂ ಮೂಗಿನ ಸ್ವಾಬ್‌ಗಳನ್ನು ಪಡೆದು ಅವುಗಳ ಮೂಲಕ ಕೋವಿಡ್ ಸೋಂಕಿನ ಪರೀಕ್ಷೆ ನಡೆಸಲಾಗುತ್ತದೆ.

‘ಈವರೆಗೆ, ಈ ಪರೀಕ್ಷೆಗಳನ್ನು ‘ಬಿಎಸ್‌ಎಲ್‌-2′, ‘ಬಿಎಸ್‌ಎಲ್‌-3′ ಹಂತದ ಸುರಕ್ಷತೆಗಳನ್ನು ಹೊಂದಿರುವ ‘TruelabTM’ ಕೇಂದ್ರಗಳಲ್ಲಿ ತಂತ್ರಜ್ಞರು, ಮೈ ಕವಚ ಧರಿಸಿ, ಕ್ಷಯರೋಗದ ವೈರಾಣುಗಳ ಬಗ್ಗೆ ಪರೀಕ್ಷೆ ನಡೆಸಿದ್ದರು. ಪುಣೆಯಲ್ಲಿರುವ ‘ಐಸಿಎಂಆರ್‌-ಎನ್‌ಐವಿ’ ಕೇಂದ್ರದಲ್ಲಿ ಈ ಪರೀಕ್ಷೆ ಲಭ್ಯವಿರಲಿದೆ.