ಒಂದೇ ದಿನ 17 ಕೋವಿಡ್ ಸೋಂಕು ಪ್ರಕರಣ: ಬೆಳಗಾವಿಯಲ್ಲಿ ಹೈ ಅಲರ್ಟ್

Team Udayavani, Apr 16, 2020, 11:35 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಬೆಳಗಾವಿ: ಗುರುವಾರ ಒಂದೇ ದಿನ 17 ಕೋವಿಡ್ ಸೋಂಕು ಪ್ರಕರಣಗಳು ಪತ್ತೆಯಾಗಿರುವ ಕುಂದಾನಗರಿಯಲ್ಲಿ ಇದೀಗ ಪೊಲೀಸರು ಹೈ ಅಲರ್ಟ್ ಘೋಷಣೆ ಮಾಡಿದ್ದಾರೆ. ಏಪ್ರಿಲ್ 17ರ ಶುಕ್ರವಾರದಂದು ಬೆಳಗ್ಗೆ ಹಾಲು ಮತ್ತು ಔಷಧಿ ಮಳಿಗೆಗಳು ಮಾತ್ರವೇ ತೆರೆದಿರುತ್ತವೆ ಎಂದು ಪೊಲೀಸರು ಇದೀಗ ನಗರದೆಲ್ಲೆಡೆ ಮೈಕ್ ಮೂಲಕ ಹೇಳುತ್ತಿದ್ದಾರೆ.

ಬೆಳಗಾವಿ ಜಿಲ್ಲೆಯಲ್ಲಿ ಈಗಾಗಲೇ 36 ಕೋವಿಡ್ ಪ್ರಕರಣಗಳು ಪತ್ತೆಯಾಗಿವೆ. ಅದರಲ್ಲೂ ಒಂದೇ ದಿನ 17 ಜನರಲ್ಲಿ ಸೋಂಕು ಪಾಸಿಟಿವ್ ಕಂಡುಬಂದಿರುವುದು ಇದೀಗ ಜಿಲ್ಲಾಡಳಿತದ ನಿದ್ದೆಗೆಡಿಸಿದೆ.

ಈ ಕಾರಣದಿಂದ ಅಗತ್ಯ ವಸ್ತುಗಳಾದ ಹಾಲು ಮತ್ತು ಔಷಧಿ ಮಳಿಗೆಗಳನ್ನು ಹೊರತುಪಡಿಸಿ ಇನ್ನಾವ ಅಂಗಡಿಗಳೂ ತೆರೆಯುವುದಿಲ್ಲ ಎಂದು ನಗರದ ಶಹಾಪುರ ಪ್ರದೇಶದಲ್ಲಿ ಪೊಲೀಸರು ಸಾರ್ವಜನಿಕರಿಗೆ ಮಾಹಿತಿ ನೀಡುತ್ತಿದ್ದಾರೆ.

ಮತ್ತು ಜನರು ಮನೆಯಲ್ಲೇ ಇರಬೇಕು ಹಾಗೂ ಅನಗತ್ಯವಾಗಿ ಹೊರಗೆ ಬರಬಾರದೆಂದೂ ಸಹ ಪೊಲೀಸರು ಸಾರ್ವಜನಿಕರಿಗೆ ಸೂಚನೆಯನ್ನು ನೀಡುತ್ತಿದ್ದಾರೆ.