ಬೆಂಗಳೂರು ಅಲ್ಟ್ರಾ ರನ್ನಿಂಗ್‌ ಮ್ಯಾರಥಾನ್‌ ಮುಂದೂಡಿಕೆ

Team Udayavani, Apr 18, 2020, 5:23 AM IST

ಸಾಂದರ್ಭಿಕ ಚಿತ್ರ.

ಬೆಂಗಳೂರು: ಉದ್ಯಾನನಗರಿಯಲ್ಲಿ ನಡೆಯಬೇಕಿದ್ದ ಭಾರತದ ಮೊದಲ ಅಲ್ಟ್ರಾ ರನ್ನಿಂಗ್‌ ಚಾಂಪಿಯನ್‌ಶಿಪ್‌ ಕೋವಿಡ್ 19 ಹಿನ್ನೆಲೆಯಲ್ಲಿ ಮುಂದೂಡಿಕೆಯಾಗಿದೆ.

ಸಾಂಪ್ರದಾಯಿಕ ಮ್ಯಾರಥಾನ್‌ ರೇಸ್‌ಗಿಂತ ಭಿನ್ನವಾಗಿ ಆಯೋಜನೆಗೊಂಡಿರುವ ಈ ರೇಸ್‌ ಭಾರೀ ಕುತೂಹಲ ಮೂಡಿಸಿತ್ತು. ಜು. 18, 19ರಂದು ರೇಸ್‌ ನಡೆಸುವುದಾಗಿ ದಿನಾಂಕ ನಿಗದಿಯಾಗಿತ್ತು. 50 ಕಿ.ಮೀ., 100 ಕಿ.ಮೀ ಹಾಗೂ ಅದಕ್ಕಿಂತಲೂ ಹೆಚ್ಚಿನ ದೂರವನ್ನು ಕ್ರಮಿಸುವ ಗುರಿಯನ್ನು ಓಟಗಾರರಿಗೆ ನೀಡುವುದಾಗಿ ಹೇಳಲಾಗಿತ್ತು. ಅಂತಾರಾಷ್ಟ್ರೀಯ ಅಲ್ಟ್ರಾ ರನ್ನರ್ ಸಂಸ್ಥೆ (ಐಎಯು) ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು, “ಭಾರತದಲ್ಲಿ ಲಾಕ್‌ಡೌನ್‌ ಆಗಿರುವ ಹಿನ್ನೆಲೆಯಲ್ಲಿ ಕೂಟವನ್ನು ಮುಂದೂಡಲಾಗಿದೆ. ಹೀಗಾಗಿ ರೇಸ್‌ನ ದಿನಾಂಕವನ್ನು ಮುಂದೂಡಲು ನಿರ್ಧರಿಸಲಾಗಿದೆ, ಶೀಘ್ರವೇ ಮುಂದಿನ ದಿನಾಂಕವನ್ನು ಪ್ರಕಟಿಸಲಾಗುವುದು’ ಎಂದು ತಿಳಿಸಿದೆ.