ರಾಜ್ಯದಲ್ಲಿ ಕೇವಲ 4 ಹೊಸ ಸೋಂಕಿತರು: ಎಲ್ಲವೂ ಮೈಸೂರಿನಲ್ಲೇ ದೃಢ

Team Udayavani, Apr 19, 2020, 12:22 PM IST

ಬೆಂಗಳೂರು: ಕೋವಿಡ್ -19 ಸೋಂಕಿತರ ಪಟ್ಟಿಯಲ್ಲಿ ಹಲವು ದಿನಗಳಿಂದ ವಿಪರೀತ ಏರಿಕೆ ಕಂಡಿದ್ದ ರಾಜ್ಯದಲ್ಲಿ ಇಂದು ಸಮಾಧಾನ ತರುವ ವರದಿ ಹೊರಬಿದ್ದಿದೆ. ರಾಜ್ಯದಲ್ಲಿ ಶನಿವಾರ ಸಂಜೆ 5 ಗಂಟೆಯಿಂದ ರವಿವಾರ 12 ಗಂಟೆಯವರೆಗೆ ಕೇವಲ ನಾಲ್ಕು ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗಿದೆ.

ವಿಶೇಷವೆಂದರೆ ಹೊಸ ನಾಲ್ಕೂ ಪ್ರಕರಣಗಳು ಮೈಸೂರಿನಿಂದಲೇ ವರದಿಯಾಗಿದೆ. ಇಬ್ಬರು ನಂಜನಗೂಡಿನ ಸೋಂಕಿತರ ದ್ವಿತೀಯ ಸಂಪರ್ಕದಿಂದ ಸೋಂಕಿತರಾಗಿದ್ದರೆ, ಮತ್ತಿಬ್ಬರು ದೆಹಲಿ ಪ್ರಯಾಣ ಮಾಡಿದ ಹಿನ್ನಲೆ ಉಳ್ಳವರು.

46 ವರ್ಷದ ಮತ್ತು 20 ವರ್ಷ ಪ್ರಾಯದ ಇಬ್ಬರು ಪುರುಷರು ದೆಹಲಿಗೆ ಪ್ರಯಾಣ ಮಾಡಿದ್ದರು. ಇವರಿಗೆ ಇಂದು ಸೋಂಕು ತಾಗಿದ್ದು, ಮೈಸೂರಿನ ಕೋವಿಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಸೋಂಕಿತ ಸಂಖ್ಯೆ 52ರ ದ್ವಿತೀಯ ಸಂಪರ್ಕದಿಂದ ನಂಜನಗೂಡಿನ 39 ವರ್ಷದ ಪುರುಷ ಸೋಂಕಿಗೀಡಾಗಿದ್ದರೆ, 23 ವರ್ಷದ ಮಹಿಳೆಗೆ ಸೋಂಕಿತ ಸಂಖ್ಯೆ 319ರ ಸಂಪರ್ಕದಿಂದ  ಕೋವಿಡ್-19 ಸೋಂಕು ತಾಗಿದೆ.

ರಾಜ್ಯದಲ್ಲಿ ಒಟ್ಟು ಸೋಂಕಿತ ಸಂಖ್ಯೆ 388ಕ್ಕೆ ಏರಿದೆ. ಇವುಗಳಲ್ಲಿ 14 ಪ್ರಕರಣಗಳು ಮೃತಪಟ್ಟಿದ್ದು, 105 ಸೋಂಕಿತರು ಗುಣಮುಖರಾಗಿದ್ದಾರೆ.