ಕೋವಿಡ್ 19 ವೈರಸ್ ಉದ್ಯೋಗ ಧಾರಣಾ ಯೋಜನೆ ವಿಸ್ತರಣೆ

Team Udayavani, Apr 19, 2020, 10:57 PM IST

ಲಂಡನ್: ಬೋರಿಸ್ ಜಾನ್ಸನ್ ಸರಕಾರದ ಕೋವಿಡ್ 19 ವೈರಸ್ ಉದ್ಯೋಗ ಧಾರಣಾ ಯೋಜನೆಯನ್ನು 1 ತಿಂಗಳು ವಿಸ್ತರಿಸಿ ಬ್ರಿಟನ್‌ ಹಣಕಾಸು ಸಚಿವ ರಿಶಿ ಸುನಕ್‌ ಶುಕ್ರವಾರ ಆದೇಶ ಹೊರಡಿಸಿದ್ದಾರೆ.

ಕೋವಿಡ್ 19 ವೈರಸ್ ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ಉದ್ಯೋಗಿಗಳನ್ನು ಬಲವಂತದ ರಜೆ ಮೇಲೆ ಕಳುಹಿಸುವುದನ್ನು ತಡೆಯಲು ಮಾರ್ಚ್‌ನಲ್ಲಿ ಈ ಯೋಜನೆಯನ್ನು ಜಾರಿಗೆ ತರಲಾಯಿತು.

ಈ ಸಂಕಷ್ಟದ ಸಮಯದಲ್ಲಿ ಉದ್ಯೋಗಿಗಳಿಗೆ ಜೀವನೋಪಾಯ ಕಲ್ಪಿಸಲು ಹಾಗೂ ಉದ್ಯಮ ಬೆಂಬಲಿಸಲು ಮತ್ತು ಆರ್ಥಿಕ ಪುನಶ್ಚೇತನಕ್ಕೆ ಪ್ರೋತ್ಸಾಹ ನೀಡಲು ಉದ್ಯೋಗ ಧಾರಣಾ ಯೋಜನೆ ಸೇರಿದಂತೆ ಹಲವು ಕ್ರಮಗಳನ್ನು ಕೈಗೊಂಡಿದ್ದೇವೆ.

ಗುರುವಾರ ಲಾಕ್‌ ಡೌನ್‌ ವಿಸ್ತರಿಸಿರುವ ಹಿನ್ನೆಲೆಯಲ್ಲಿ ಈ ಯೋಜನೆಯನ್ನು ಒಂದು ತಿಂಗಳ ಕಾಲ, ಜೂನ್‌ವರೆಗೆ ವಿಸ್ತರಿಸಲಾಗಿದೆ ಎಂದು ಅವರು ತಿಳಿಸಿದರು. ಈ ಯೋಜನೆ, ಸಂಸ್ಥೆಗಳು ಆರ್ಥಿಕ ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ ಉದ್ಯೋಗಿಗಳನ್ನು ಬಲವಂತವಾಗಿ ರಜೆ ಮೇಲೆ ಕಳುಹಿಸುವುದನ್ನು ಅಥವಾ ಕೆಲಸದಿಂದ ತೆಗೆದುಹಾಕುವುದನ್ನು ತಡೆಯುತ್ತದೆ. ಉದ್ಯೋಗಿಗಳಿಗೆ ಅವರ ವೇತನದ ಶೇ.80ರಷ್ಟು ಹಣವನ್ನು (ಗರಿಷ್ಠ 2,500 ಪೌಂಡ್‌ವರೆಗೆ) ಸಕಾರವೇ ಭರಿಸುತ್ತದೆ.