ವೈದ್ಯರಿಗೆ ಕೋವಿಡ್ -19: ಸಿಬಂದಿ ಕ್ವಾರಂಟೈನ್‌ಗೆ

Team Udayavani, Apr 24, 2020, 12:12 PM IST

ಲಕ್ನೋ: ಸರ್ಜನ್‌ ಒಬ್ಬರಿಗೆ ಕೋವಿಡ್ -19 ದೃಢಪಟ್ಟ ಹಿನ್ನೆಲೆಯಲ್ಲಿ ಅವರೊಂದಿಗೆ ಸಂಪರ್ಕ ಹೊಂದಿದ್ದ ನೆಹರು ಮೆಡಿಕಲ್‌ ಕಾಲೇಜ್‌, ಆಸ್ಪತ್ರೆಯ 20 ಜನ ವೈದ್ಯರು, ನರ್ಸ್‌ಗಳನ್ನು ಕ್ವಾರಂಟೈನ್‌ ಮಾಡಲಾಗಿದೆ. ಗುರುವಾರ ಆಲಿಘರ್‌ ಮುಸ್ಲಿಂ ವಿವಿಯ ವೈದ್ಯರು ವರದಿಯ ನೀಡಿದ ನಂತರ ಜಿಲ್ಲಾ ಧಿಕಾರಿ ಚಂದ್ರ ಭೂಷಣ್‌ ಸಿಂಗ್‌ ಅಧಿಕೃತವಾಗಿ ಈ ವಿಚಾರ ತಿಳಿಸಿದ್ದಾರೆ. ಆಸ್ಪತ್ರೆ ಮುಖ್ಯಸ್ಥೆ ಡಾ| ಹಮ್ಸ್ ಮಲ್ಲಿಕ್‌, ಸೋಂಕಿತ ವೈದ್ಯರು ಯಾವುದೇ ಕಾರಣಕ್ಕೂ ಇತರ ಸೋಂಕಿತ ವಾರ್ಡ್‌ ಹಾಗೂ ಅಲ್ಲಿರುವ ರೋಗಿಗಳೊಂದಿಗೆ ಒಡನಾಡಿಲ್ಲ. ಅವರು ನಾಲ್ಕು ದಿನಗಳ ಹಿಂದೆ ಶಸ್ತ್ರಚಿಕಿತ್ಸೆ ಭಾಗವಹಿಸಿದ್ದರಾದರೂ ಆ ರೋಗಿಗೆ ಸೋಂಕು ಹರಡುವ ಸಂಭವ ಇಲ್ಲವೇ ಇಲ್ಲ ಎಂದು ಹೇಳಿದ್ದಾರೆ. ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದ ರೋಗಿಗೆ ಲಕ್ಷಣಗಳ ಕಂಡು ಬಂದಿಲ್ಲ. ಆದರೂ, ಅವರನ್ನು ಕೊರೊನಾ ಪರೀಕ್ಷೆಗೆ ಒಳಪಡಿಸ ಲಾಗುವುದು ಎಂದು ಅಧಿಕಾರಿಗಳು ಮೂಲಗಳು ಹೇಳಿವೆ.