ದೆಹಲಿಯ 88 ಆರೋಗ್ಯ ಸಿಬ್ಬಂದಿಗೆ ಕೋವಿಡ್19 ಪಾಸಿಟಿವ್:ಒಂದೇ ದಿನದಲ್ಲಿ 1,975 ಮಂದಿಗೆ ಸೋಂಕು

Team Udayavani, Apr 27, 2020, 9:10 AM IST

ನವದೆಹಲಿ: ಇಲ್ಲಿನ ಪ್ರಮುಖ ಆಸ್ಪತ್ರೆಯೊಂದರ 30 ಮಂದಿ ಸಿಬ್ಬಂದಿಗಳಿಗೆ ಕೋವಿಡ್ 19 ಪಾಸಿಟಿವ್ ವರದಿ ಬಂದ ಹಿನ್ನಲೆಯಲ್ಲಿ ವೈದ್ಯರು, ನರ್ಸ್, ದಾದಿಯರು ಮೊದಲಾದ 39 ಆರೋಗ್ಯ ಕಾರ್ಯಕರ್ತರನ್ನು ಕ್ವಾರಂಟೈನ್ ಮಾಡಲಾಗಿದ್ದು ಇವರಿಗೂ ಸೋಂಕು ತಗುಲಿರುವ ಸಾಧ‍್ಯತೆಯಿದೆ ಎಂದು ಜೀ ನ್ಯೂಸ್ ವರದಿ ಮಾಡಿದೆ.

ಮತ್ತೊಂದು ಪ್ರಕರಣದಲ್ಲಿ  ಪ್ರಮುಖ ಆಸ್ಪತ್ರೆಯೊಂದರ 58  ಆರೋಗ್ಯ ಸಿಬ್ಬಂದಿಗಳಿಗೂ ಕೋವಿಡ್ 19 ಪಾಸಿಟಿವ್ ವರದಿ ಬಂದಿದ್ದು ದೆಹಲಿಯ ಈ ಎರಡು ಆಸ್ಪತ್ರೆಯ ಒಟ್ಟಾರೆ 88 ಆರೋಗ್ಯ ಸಿಬ್ಬಂದಿಗೆ ಸೋಂಕು ತಗುಲಿದಂತಾಗಿದೆ.

ಭಾರತದಲ್ಲಿ ಭಾನುವಾರ ಸುಮಾರು 1,975 ಜನರಿಗೆ ಸೋಂಕು ತಗುಲಿದ್ದು ವೈರಸ್ ಕಾಣಿಸಿಕೊಂಡಾಗಿನಿಂದ ದಾಖಲಾದ ಅತೀ ದೊಡ್ಡ ಮೊತ್ತವಾಗಿದೆ. ಒಟ್ಟಾರೆ ದೇಶದಲ್ಲಿ 26, 917 ಮಂದಿ ಸೋಂಕಿನಿಂದ ಬಳಲುತ್ತಿದ್ದು ಮೃತರ ಸಂಖ್ಯೆ 826ಕ್ಕೆ ಏರಿಕೆಯಾಗಿದೆ ಎಂದು ಆರೋಗ್ಯ ಸಚಿವಾಲಯದ ಮಾಹಿತಿ ತಿಳಿಸಿದೆ.

ಸೋಂಕಿತರಾಗಿದ್ದ ಸುಮಾರು 5,913 ಜನರು ಗುಣಮುಖರಾಗಿದ್ದು ಮಹಾರಾಷ್ಟ್ರ, ಮತ್ತು ಗುಜರಾತ್ ನಲ್ಲಿ ವೈರಾಣು ವ್ಯಾಪಿಸುವಿಕೆ ಪ್ರಮಾಣ ದ್ವಿಗುಣಗೊಂಡಿದೆ.