ನಿವೃತ್ತಿ ಸುದ್ದಿ ಮತ್ತು ರಾಜಮೌಳಿ ಸಂಕಟ!

Team Udayavani, Apr 29, 2020, 12:34 PM IST

ಕೆಲವೊಮ್ಮೆ ನಾವು ಏನೋ ಹೇಳಲು ಹೋದರೆ ಅದು ಇನ್ನೇನೋ ತಿರುವು ಪಡೆದುಕೊಳ್ಳುತ್ತದೆ. ಅದರಲ್ಲೂ ಇಂತಹ ವಿಚಾರಗಳು ಸೆಲೆಬ್ರೆಟಿ ವಿಚಾರದಲ್ಲಿ ಕೊಂಚ ಹೆಚ್ಚೇ. ಸಂದರ್ಶನಗಳಲ್ಲಿ ಸೆಲೆಬ್ರೆಟಿಗಳು ಹೇಳಿದ ಮಾತನ್ನು ಅದೆಷ್ಟೋ ಬಾರಿ ಅಭಿಮಾನಿಗಳು ಬೇರೆ ರೀತಿ ಅರ್ಥೈಸಿದ್ದು ಇದೆ. ಈಗ ಖ್ಯಾತ ನಿರ್ದೇಶಕ ರಾಜಮೌಳಿ ವಿಚಾರದಲ್ಲೂ ಹೀಗೆ ಹಾಗಿದೆ.

ರಾಜಮೌಳಿ ನಿವೃತ್ತಿ ಘೋಷಿಸಿದ್ದಾರೆ ಮತ್ತು ತಮ್ಮ ಮುಂದಿನ ಜೀವನವನ್ನು ತೋಟದ ಮನೆಯಲ್ಲಿ ಕಳೆಯಲಿದ್ದಾರೆ ಎಂಬ ಸುದ್ದಿ ಅಭಿಮಾನಿಗಳಿಗೆ ಶಾಕ್‌ ನೀಡಿದ್ದು ಸುಳ್ಳಲ್ಲ. ಕೊನೆಗೆ ರಾಜಮೌಳಿಯೇ ಸ್ಪಷ್ಟನೆ ಕೊಡಬೇಕಾಗಿ ಬಂತು. ನಾನು ಇನ್ನೂ 10 ವರ್ಷ ನಿವೃತ್ತಿಯಾಗೋದಿಲ್ಲ. ಮಾಡಲು ಬೇಕಾದಷ್ಟು ಕೆಲಸ ಹಾಗೂ ಕನಸುಗಳಿವೆ. ನಿವೃತ್ತಿಯಾದ ನಂತರ ತೋಟದ ಮನೆಯಲ್ಲಿ ಕಳೆಯುತ್ತೇನೆ ಎನ್ನುವ ಮೂಲಕ ನಿವೃತ್ತಿ ಸುದ್ದಿಗೆ ಬ್ರೇಕ್‌ ಹಾಕಿದರು. ಅಷ್ಟಕ್ಕೂ ಈ ಸುದ್ದಿ ಹೇಗೆ ಹುಟ್ಟಿತು ಎಂದು ನೀವು ಕೇಳಬಹುದು. ಇತ್ತೀಚೆಗೆ ರಾಜಮೌಳಿ ಸಂದರ್ಶನ ವೊಂದರಲ್ಲಿ ತಾನು ಒಂದು ಕಡೆ ಜಮೀನು ಖರೀದಿಸಿದ್ದು, ಅಲ್ಲಿ ತೋಟ ಮಾಡಿ ನಿವೃತ್ತಿ ಜೀವನವನ್ನು ಅಲ್ಲಿಯೇ ಕಳೆಯಬೇಕೆಂದಿದ್ದೇನೆ ಎಂದು ಹೇಳಿದ್ದರು.