ರಷ್ಯಾ ಪ್ರಧಾನಿ ಮಿಖಾಯಿಲ್ ಮಿಶುಸ್ಟಿನ್ ಅವರಿಗೆ ಕೋವಿಡ್ -19 ಸೋಂಕು ದೃಢ

Team Udayavani, May 1, 2020, 7:35 AM IST

ಮಾಸ್ಕೋ: ರಷ್ಯಾದ ಪ್ರಧಾನಿ ಮಿಖಾಯಿಲ್ ಮಿಶುಸ್ಟಿನ್ ಅವರಿಗೆ ಕೋವಿಡ್ 19 ಸೋಂಕು ಇರುವುದು ದೃಢಪಟ್ಟಿದೆ.  ಈ ಮೂಲಕ  ಸೋಂಕಿಗೆ ಒಳಗಾದ ರಷ್ಯಾದ ಮೊದಲ ಅತ್ಯುನ್ನತ ಶ್ರೇಣಿಯ ಅಧಿಕಾರಿಯಾಗಿದ್ದಾರೆ ಮಾಧ‍್ಯಮ ವರದಿ ಮಾಡಿದೆ.

ಇದರ ಬೆನ್ನಲ್ಲೇ ಮಿಖಾಯಿಲ್ ಮಿಶಸ್ಟಿನ್,  ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರಿಗೆ ವೀಡಿಯೊ ಕರೆ ಮಾಡಿ        ಸ್ವಯಂ-ಪ್ರತ್ಯೇಕವಾಗುವುದಾಗಿ ತಿಳಿಸಿದ್ದಾರೆ. 54 ವರ್ಷದ ಮಿಖಾಯಿಲ್ ಜನವರಿಯಲ್ಲಿ ಪ್ರಧಾನಿ ಹುದ್ದೆ ಅಲಂಕರಿಸಿದ್ದರು. ಇದೀಗ ಉಪ ಪ್ರಧಾನಿ ಮಂತ್ರಿ ಆಂಡ್ರೇ ಬೆಲೌಸೊವ್ ತಾತ್ಕಾಲಿಕವಾಗಿ ಮಿಶುಸ್ಟಿನ್ ಅವರ ಕರ್ತವ್ಯಗಳನ್ನು ನಿರ್ವಹಿಸಲಿದ್ದಾರೆ.

ರಷ್ಯಾಧ ಅಧ್ಯಕ್ಷ ಪುಟಿನ್ , ದೇಶದಲ್ಲಿ ಕೋವಿಡ್ 19 ಸೋಂಕು ಕಾಣಿಸಿಕೊಂಡಾಗಿನಿಂದ ಸಭೆಗಳಲ್ಲಿ ಪಾಲ್ಗೊಂಡಿರಲಿಲ್ಲ. ಹೀಗಾಗಿ ಮಿಖಾಯಿಲ್ ಅವರನ್ನೂ ಕೂಡ ಭೇಟಿಯಾಗಿರಲಿಲ್ಲ.  ರಷ್ಯಾದಲ್ಲಿ ಆರ್ಥಿಕ ವಿಚಾರಗಳನ್ನು ಮೇಲ್ವೀಚಾರಣೆ ನಡೆಸುವುದು ಮತ್ತು ಅಧ್ಯಕ್ಷರಿಗೆ ಮಾಹಿತಿ ನೀಡುವುದು ಪ್ರಧಾನಿಯ ಜವಾಬ್ದಾರಿಯಾಗಿದೆ.