ಪೊಲೀಸರಿಗೆ ಪುಷ್ಪವೃಷ್ಟಿ

Team Udayavani, May 3, 2020, 11:48 AM IST

ಬೆಂಗಳೂರು: ಕೋವಿಡ್ ಸೋಂಕು ಹರಡುತ್ತಿರುವ ಹಿನ್ನೆಲೆಯಲ್ಲಿ ಜಾಗೃತಿ ಮೂಡಿಸಲು ಪಥಸಂಚಲನ ನಡೆಸಿದ ದಕ್ಷಿಣ ವಿಭಾದ ಪೊಲೀಸರ ಮೇಲೆ ಸಾರ್ವಜನಿಕರು ಸ್ವಯಂಪ್ರೇರಿತವಾಗಿ ಪುಷ್ಪವೃಷ್ಟಿ ಹಾಕಿ ಗೌರವ ಸಲ್ಲಿಸಿದರು. ಶುಕ್ರವಾರ ದಕ್ಷಿಣ ವಿಭಾಗದ ಸಿದ್ದಾಪುರ, ಸೋಮೇಶ್ವರ ಬಡಾವಣೆ ಸೇರಿ ಮುಂತಾದ ರಸ್ತೆಗಳಲ್ಲಿ ಡಿಸಿಪಿ ರೋಹಿಣಿ ಕಟೋಚ್‌ ಸೆಪೆಟ್‌ ನೇತೃತ್ವದಲ್ಲಿ ಪೊಲೀಸರು ಪಥಸಂಚಲನ ನಡೆಸಿದರು. ಕೋವಿಡ್ ಸೋಂಕು ವ್ಯಾಪಕವಾಗಿ ಹರಡುತ್ತಿದೆ. ಅನವಶ್ಯಕವಾಗಿ ಮನೆಯಿಂದ ಹೊರಗೆ ಬರಬೇಡಿ. ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ಸೂಚಿಸಿ ಜಾಗೃತಿ ಮೂಡಿಸಿದರು. ಈ ವೇಳೆ ಪಥಸಂಚಲ ಸಾಗಿದ ಮಾರ್ಗದಲ್ಲಿ ಪೊಲೀಸರ ಮೇಲೆ ಹೂ ಚೆಲ್ಲಿ ಅಭಿನಂದಿಸಿದರು.

ಕೋವಿಡ್ ಭೀತಿಯಿಂದಾಗಿ ಲಾಕ್‌ಡೌನ್‌ ಜಾರಿ ಗೊಳಿಸಲಾಗಿದೆ. ವೈದ್ಯರು, ಆಶಾ ಕಾರ್ಯಕರ್ತೆಯರು, ಬಿಬಿಎಂಪಿ ಪೌರಕಾರ್ಮಿಕರು ಹಾಗೂ ಪೊಲೀಸ್‌ ಸಿಬ್ಬಂದಿ ಹಗಲಿರುಳು ಜೀವದ ಹಂಗು ತೊರೆದು, ಕೋವಿಡ್ ವಿರುದ್ಧ ಹೋರಾಡುತ್ತಿದ್ದಾರೆ. ತಾವೆಲ್ಲ ಮನೆಯಲ್ಲಿದ್ದು ಕೋವಿಡ್ ವಿರುದ್ಧದ ಹೊರಾಟಕ್ಕೆ ಬೆಂಬಲಿಸಬೇಕು. ಸ್ಯಾನಿಟೈಸರ್‌, ಮಾಸ್ಕ್ ಬಳಸುವಂತೆ ಡಿಸಿಪಿ ಡಾ. ರೋಹಿಣಿ ಕಟೋಚ್‌ ಸೆಪೆಟ್‌ ಜನರಿಗೆ ಸಲಹೆ ನೀಡಿದರು.