ಪುನೀತ್‌ ಬ್ಯಾನರ್‌ನಲ್ಲಿ ಹೊಸ ಸಿನಿಮಾ

Team Udayavani, May 4, 2020, 10:28 AM IST

ಪುನೀತ್‌ರಾಜಕುಮಾರ್‌ ಅವರ ಪಿಆರ್‌ಕೆ ಬ್ಯಾನರ್‌ನಲ್ಲಿ ಈಗ ಸದಭಿರುಚಿಯ ಸಿನಿಮಾಗಳೇ ಬರುತ್ತಿವೆ. ಆ ಬ್ಯಾನರ್‌ನಲ್ಲಿ ನಿರ್ದೇಶಕ ಸತ್ಯಪ್ರಕಾಶ್‌ ಒಂದು ಸಿನಿಮಾ ನಿರ್ದೇಶನ ಮಾಡುತ್ತಾರೆ ಎಂದು ಈ ಹಿಂದೆ ಸುದ್ದಿಯಾಗಿತ್ತು. ಆದರೆ, ಯಾವ ಜಾನರ್‌ನ ಕಥೆ ಎಂಬುದನ್ನು ನಿರ್ದೇಶಕ ಸತ್ಯಪ್ರಕಾಶ್‌ ಹೇಳಿರಲಿಲ್ಲ. ಈಗ ಪುನೀತ್‌ ರಾಜಕುಮಾರ್‌ ಬ್ಯಾನರ್‌ನಲ್ಲಿ ತಯಾರಾಗುತ್ತಿರುವ ಚಿತ್ರ ಫ್ಯಾಂಟಸಿ ಕಥೆ ಹೊಂದಿದೆ ಎಂಬುದು ಸತ್ಯಪ್ರಕಾಶ್‌ ಹೇಳಿಕೊಂಡ ಸತ್ಯ.

ಸದ್ಯಕ್ಕೆ ಸತ್ಯಪ್ರಕಾಶ್‌, ಪಿಆರ್‌ಕೆ ಬ್ಯಾನರ್‌ಗೆ ಫ್ಯಾಂಟಸಿ ಕಥೆ ಮಾಡುತ್ತಿದ್ದಾರೆ. ಆ ಕುರಿತು ಸ್ಕ್ರಿಪ್ಟ್ ಅನ್ನು ತಿದ್ದುತ್ತಲೇ ಇದ್ದಾರೆ.ಪುನೀತ್‌ ಅವರಿಗೆ ಇಷ್ಟವಾಗುವಂತಹ ಸ್ಕ್ರಿಪ್ಟ್ ಇದಾಗಲಿದೆ ಎಂದಿರುವ ಅವರು, ಇಲ್ಲಿ ಸೋಶಿಯಲ್‌ ಡ್ರಾಮಾವೊಂದನ್ನು ಫ್ಯಾಂಟಸಿ ಶೈಲಿಯಲ್ಲಿ ಹೇಳುವ ಪ್ರಯತ್ನ ಮಾಡುತ್ತಿದ್ದಾರಂತೆ ಸತ್ಯಪ್ರಕಾಶ್‌. ಇನ್ನು, ಈ ಕಥೆ ಕುರಿತಂತೆ ಸತ್ಯಪ್ರಕಾಶ್‌ ಜೊತೆ ಪುನೀತ್‌ ಅವರು ಸಾಕಷ್ಟು ಸಲ ಚರ್ಚೆ ನಡೆಸಿದ್ದಾರೆ. ಪುನೀತ್‌ ಕೂಡ ಈ ಬಗ್ಗೆ ಖುಷಿಯಾಗಿದ್ದಾರೆ. ಲಾಕ್‌ಡೌನ್‌ ತೆರವಾದ ಬಳಿಕ ಹೊಸ ಚಿತ್ರಕ್ಕೆ ಜೋರು ತಯಾರಿ ನಡೆಯಲಿದೆಯಂತೆ.