ಈರುಳ್ಳಿ ಬೆಳೆ ನಷ್ಟ: ಸಾಲಭಾದೆ ತಾಳಲಾರದೆ ಬಾದಾಮಿಯ ರೈತ ಆತ್ಮಹತ್ಯೆ

Team Udayavani, May 9, 2020, 10:17 AM IST

ಬಾದಾಮಿ: ಸಾಲಭಾದೆ ತಾಳಲಾರದೇ ರೈತನೋರ್ವ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ತಾಲೂಕಿನ ನಂದಿಕೇಶ್ವರ ಗ್ರಾಮದಲ್ಲಿ ಶುಕ್ರವಾರ ರಾತ್ರಿ ನಡೆದಿದೆ.

ನಂದಿಕೇಶ್ವರ ಗ್ರಾಮದ‌ ನಿವಾಸಿ ವೀರಯ್ಯ ಬಸಯ್ಯ ಹಂಗರಗಿ (53) ಆತ್ಮಹತ್ಯೆ ಮಾಡಿಕೊಂಡ ದುರ್ದೈವಿ. ಶುಕ್ರವಾರ ರಾತ್ರಿ ಮನೆಯಲ್ಲಿ 7.30 ಗಂಟೆಯ ಸುಮಾರಿಗೆ ಆತ್ಮಹತ್ಯೆಗೆ ಶರಣಾಗಿದ್ದಾನೆ.

ಮೃತ ರೈತನಿಗೆ 3 ಎಕರೆ ಜಮೀನು ಇದ್ದು, ಈರುಳ್ಳಿ ಬೆಳೆ ನಷ್ಟದಿಂದ ಮನನೊಂದು ಆತ್ಮ ಹತ್ಯೆ ಮಾಡಿಕೊಂಡಿದ್ದು, ಈತ ಕೃಷಿ ಪತ್ತಿನ ಸಹಕಾರಿ ಸಂಘದಲ್ಲಿ‌ ರೂ.4 ಲಕ್ಷ ,ಕೆ.ವಿ.ಜಿ.ಬ್ಯಾಂಕ್ ನಲ್ಲಿ ರೂ. 2 ಲಕ್ಷ ,ಕುಮಾರೇಶ್ವರ ಪತ್ತಿನ ಸಹಕಾರಿ ಸಂಘದಲ್ಲಿ ರೂ. 6 ಲಕ್ಷ ಸೇರಿದಂತೆ ಒಟ್ಟು ರೂ. 12 ಲಕ್ಷ ಸಾಲ ಪಡೆದಿದ್ದರು. ಬೆಳೆ‌ ನಷ್ಟದಿಂದ ಸಾಲ ಮರು ಪಾವತಿಸದೆ ಮನನೂಂದು ಆತ್ಮ ಹತ್ಯಗೆ ಶರಣಾಗಿದ್ದಾರೆ.

ಈತನಿಗೆ 80 ವರ್ಷದ ತಾಯಿ, ಹೆಂಡತಿ, ಇಬ್ಬರು ಪುತ್ರರು, ಓರ್ವ ಪುತ್ರಿಯರಿದ್ದಾರೆ. ಈ ಕುರಿತು ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ಪಿ.ಎಸ್.ಐ ಪ್ರಕಾಶ ಬಣಕಾರ ತಿಳಿಸಿದ್ದಾರೆ.