ಉದಯವಾಣಿ ಫಲಶ್ರುತಿ: ನಿರ್ಗತಿಕರಿಗೆ ದಿನಸಿ ಕಿಟ್‌ ವಿತರಣೆ

Team Udayavani, May 11, 2020, 9:30 AM IST

ಸಾಂದರ್ಭಿಕ ಚಿತ್ರ

ಚಿಕ್ಕನಾಯಕನಹಳ್ಳಿ: ಲಾಕ್‌ಡೌನ್‌ನಿಂದ ಕೆಲಸವಿಲ್ಲದೇ ಒಪ್ಪತ್ತಿನ ಊಟಕ್ಕೂ ಪರಿ ತಪಿಸುತ್ತಿದ್ದ ಬೈಲಪ್ಪನಮಠ ಬಳಿಯ ನಿವಾಸಿಗಳಿಗೆ ಕಾಂಗ್ರೆಸ್‌ ಮುಖಂಡ ಡಾ. ಸಾಸಲು ಸತೀಶ್‌ ದಿನಸಿ ಸಾಮಗ್ರಿಗಳನ್ನು ನೀಡಿದರು.

ಉದಯವಾಣಿಯಲ್ಲಿ “ಸಹಾಯಕ್ಕೆ ಕಾರ್ಮಿಕರ ಮನವಿ” ಎಂಬ ಶೀರ್ಷಿಕೆ ಅಡಿಯಲ್ಲಿ ರೇಷನ್‌ ಕಾರ್ಡ್‌ ರದ್ದುಗೊಂಡಿದ್ದು, ಲಾಕ್‌ ಡೌನ್‌ನಿಂದ ಕೂಲಿ ಇಲ್ಲದೆ, ಮನೆಯಲ್ಲಿ ರೇಷನ್‌ ಇಲ್ಲದೆ ಊಟಕ್ಕೂ ಪರದಾಡುವಂತ ಸ್ಥಿತಿ ನಿರ್ಮಾಣವಾಗಿದೆ ಎಂದು ವರದಿಯಾದ ಹಿನ್ನೆಲೆಯಲ್ಲಿ, ಪತ್ರಿಕೆಯಲ್ಲಿ ಬಂದ ವರದಿ ಗಮನಿಸಿದ ಡಾ.ಸಾಸಲು ಸತೀಶ್‌ ಬೈಲಪ್ಪನಮಠದ ಬಳಿಯ ಲ್ಲಿನ 5 ಕುಟುಂಬಗಳಿಗೆ ಮನೆಗೆ ಬೇಕಾಗುವ ಅಗತ್ಯ ದಿನಸಿ ಸಾಮಗ್ರಿಗಳನ್ನು ತಮ್ಮ ಕಾರ್ಯಕರ್ತರ ಮೂಲಕ ತಲುಪಿಸಿದರು. ಕಾಂಗ್ರೆಸ್‌ ಮುಖಂಡ ಪರಮೇಶ್‌, ರಾಮದಾಸ್‌, ಇಮ್ರಾಸ್‌, ಮಹಮ್ಮದ್‌ ಹುಸೇನ್‌ ಗುಂಡ, ಸುರೇಶ್‌ ನಾಯಕ್‌, ಸಾದತ್‌ ಶರೀಫ್, ಎಚ್‌.ಎಂ.ಎಸ್‌ ಇಮ್ರಾನ್‌ ಇದ್ದರು.