ಮಣ್ಣು ಹೊನ್ನು ಮೆಶಿನ್ನು : ಉಳುವ ಸಾಧನ

Team Udayavani, May 11, 2020, 11:04 AM IST

ಸಾಂದರ್ಭಿಕ ಚಿತ್ರ

ನೆಲವನ್ನು ಉಳಲು ಬಳಸುವ ನೇಗಿಲು, ಟ್ರ್ಯಾಕ್ಟರ್‌ ಮತ್ತಿತರ ಉಪಕರಣಗಳನ್ನು, ನಾವೆಲ್ಲರೂ ನೋಡಿದ್ದೇವೆ. ಅವುಗಳ ಸಾಲಿಗೆ ಈ ಉಪಕರಣವೊಂದು ಹೊಸ ಸೇರ್ಪಡೆ.
ಇದರ ವೈಶಿಷ್ಟ್ಯವೆಂದರೆ, ಇದನ್ನು ಒಬ್ಬನೇ ವ್ಯಕ್ತಿ ಬಳಸಬಹುದಾಗಿದೆ. ಕಡಿಮೆ ತೂಕ ಹೊಂದಿರುವುದರಿಂದ, ಕೈಯಲ್ಲಿ ಎತ್ತಿಕೊಂಡು ಬರಬಹುದಾಗಿದೆ. ಕೈತೋಟದ ಕೆಲಸಕ್ಕೆ, ಇದು ಹೇಳಿ ಮಾಡಿಸಿದ ಸಾಧನ.

ಈ ಸಾಧನ, ಕತ್ತರಿಯಂತೆ ಕೆಲಸ ನಿರ್ವಹಿಸುತ್ತದೆ. ಚೂಪಾದ ಬ್ಲೇಡುಗಳಿರುವ ಭಾಗವನ್ನು, ನೆಲದೊಳಕ್ಕೆ ತೂರುವಂತೆ ಕಾಲಲ್ಲಿ ಒತ್ತಬೇಕು. ನಂತರ ಹ್ಯಾಂಡಲ್‌ ಭಾಗವನ್ನು ಬೋರ್‌ವೆಲ್‌ ಒತ್ತುವ ಮಾದರಿಯಲ್ಲಿ ಒತ್ತಬೇಕು. ಆಗ, ನೆಲದೊಳಕ್ಕೆ ಊರಿದ್ದ ಬ್ಲೇಡುಗಳು ಮಣ್ಣನ್ನು ಸೀಳಿಕೊಂದು ಮೇಲಕ್ಕೆ ಬಂದುಬಿಡುತ್ತವೆ. ಮತ್ತೆ ಈ ಸಾಧನದ ಜಾಗ ಬದಲಿಸಿ ಬ್ಲೇಡುಗಳನ್ನು ನೆಲದೊಳಕ್ಕೆ ತೂರುವಂತೆ ಕಾಲಿಂದ ಒತ್ತಿ, ಮೇಲಿನ ಕ್ರಮಗಳನ್ನು ಪುನರಾವರ್ತಿಸಬೇಕು. ಈ ಉತ್ಪನ್ನ ಕ್ರಿಯಾಶೀಲತೆಯಿಂದ ಕೂಡಿದೆ ನಿಜ. ಆದರೆ ಮೊದಲೇ ಹೇಳಿದಂತೆ ಈ ಉತ್ಪನ್ನ ಬಳಸಿ ಒಂದಿಡೀ ಜಮೀನನ್ನು ಉತ್ತಬೇಕು ಎಂದಾಗ, ಅದು ಹೆಚ್ಚಿನ ಶ್ರಮ ಮತ್ತು ಸಮಯವನ್ನು ಬೇಡುತ್ತದೆ. ಅಲ್ಲದೆ ಜಮೀನು ಉಳುವಾಗ ಭೂಮಿಯನ್ನು ಹೆಚ್ಚು ಆಳದಲ್ಲಿ ನೇಗಿಲನ್ನು ಊರುತ್ತೇವೆ. ಈ ಉತ್ಪನ್ನದ ಬ್ಲೇಡುಗಳು ತೀವ್ರ ಮಟ್ಟದಲ್ಲಿ ಊರಲ್ಪ ಡುವುದಿಲ್ಲ. ಆದರೆ ಕೈದೋಟಗಳಲ್ಲಿ ಇದರ ಉಪಯೋಗ ಹೆಚ್ಚು. ಸಸಿ ನೆಡಲು, ಬೀಜ ಬಿತ್ತಲು ಸಹಾಯ
ಪಡೆಯಬಹುದು .

ಉಪಕರಣಗಳ ದೀರ್ಘ‌ ಬಾಳಿಕೆಗೆ ಮೇಂಟೆನೆನ್ಸ್ ಟಿಪ್ಸ್: ಸೀಲಿಂಗ್‌ ಫ್ಯಾನ್‌